Venesueladakı zəlzələ 6,7 milyondan çox insana təsir göstərə bilər

Venesuelada 6,76 milyona qədər insan son zəlzələdən təsirlənə bilər. 

Reyting.az xəbər verir ki, bu, BMT-nin Beynəlxalq Miqrasiya Təşkilatının açıqlamasında bildirilib.
 
Bu rəqəmlər əhali məlumatlarının təhlili və dağıntıların miqyasına əsaslanan ilkin rəqəmlərdir. Təkcə paytaxt Karakasda təxminən 2 milyon sakinin təsirlənə biləcəyi təxmin edilir.

Qeyd edək ki, iyunun 24-də axşam saatlarında Venesuelada zəlzələ baş verib. Təxminən 40 saniyə fərqlə 7,2 və 7,5 bal gücündə iki yeraltı təkan qeydə alınıb. Episentrlər Yaracuy ştatında bir-birindən cəmi 10 kilometr aralıda yerləşib. Seysmik hadisədən sonra 214 afterşok qeydə alınıb. Son məlumatlara görə, zəlzələ nəticəsində 1400-dən çox insan həyatını itirib, 3200-dən çox insan isə xəsarət alıb.

V. Quliyev
 

• Teqlər
• #Venesuela
• #zəlzələ 6
• #7 milyondan çox insana təsir göstərə bilər