Tramp: İranla müharibə tezliklə bitəcək

“Hörmüz boğazının yenidən açılması səylərinin bir hissəsi olaraq Amerika öz qoşunlarını geri çəkməyə hələ tam hazır deyil".

Reyting.az xəbər verir ki, bunu ABŞ prezidenti Donald Tramp “CBS News”-a müsahibəsində deyib. 

"Bir anda mən belə edəcəyəm, amma hələ yox. Digər ölkələr müdaxilə etməlidir. İran məğlub olub, amma onlar müdaxilə etməli və öz işlərini görməlidirlər", - deyə Tramp bildirib.

O, Hörmüz boğazında "real təhlükə" olmadığını söyləyib.

"NATO dəhşətlidir. Onlar kömək etmək istəmirdilər. Əgər neft istəyirlərsə, gəlib götürsünlər. Heç bir real təhlükə yoxdur, çünki ölkə [İran] məğlub olub", - deyə ABŞ prezidenti əlavə edib.

ABŞ hərbi əməliyyatının nə vaxt bitə biləcəyi soruşulduqda, Tramp "Bu, tezliklə olacaq. Biz qrafikdən iki həftə qabaqdayıq",- deyib.

Xatırladaq ki, müharibə başlayanda ABŞ prezidenti onun "dörd-altı həftə" davam edəcəyini desə də, artıq beşinci həftədir davam edir.

V.Quliyev

• Teqlər
• #Tramp
• #İran