Sumıya hücum: uşaqlar da daxil olmaqla 15 nəfər yaralanıb

Rusiya qoşunları Ukraynanın Sumı şəhərinə hücum edərək yaşayış məntəqəsinə zərbələr endirib. 

Reyting.az xəbər verir ki, bu barədə Sumı regional hərbi administrasiyasının rəhbəri Oleq Qriqorov məlumat yayıb.

“Ruslar regional mərkəzə kütləvi zərbə endirdilər. Rus dronları yaşayış məntəqəsinə zərbə endirdi. Hündürmərtəbəli binalara və mülki avtomobillərə ziyan dəydi. Başqa bir PUA tibb müəssisəsinin ərazisinə dəyib”, - deyə o qeyd edib.

Qriqorovun sözlərinə görə, düşmən dronlarının gecə hücumu nəticəsində 15 sakin yaralanıb.

“Yaralılar arasında üç uşaq var: 13, 15 və 17 yaşlı qızlar. Onlar xəstəxanaya yerləşdirilib və tibb işçiləri lazımi yardımı göstərirlər. Rusiya dronlarının  hücumunda yaralananların əksəriyyəti yaşlıdır. Hər kəs lazımi tibbi yardım alır”, - deyə Xüsusi Əməliyyatlar Agentliyinin rəhbəri əlavə edib.

Ukrayna Dövlət Təcili Yardım Xidməti hücumun nəticələrinin fotolarını nümayiş etdirib. Xilasedicilər qeyd ediblər ki, zərbələr yeddi fərqli yerdə qeydə alınıb. Mənzil binaları və tibb müəssisəsi zədələnib, mülki nəqliyyat vasitələri  yanıb.

Qeyd olunur ki, daha çox hücum təhlükəsi səbəbindən xilasedicilər işlərini bir neçə dəfə dayandırmaq və təhlükəsiz yerə çəkilmək məcburiyyətində qalıblar.

V. Quliyev
 

• Teqlər
• #Sumı
• #hücum