Serbiyada seçki hazırlıqlarına başlayırlar

Serbiyada seçkilərin vaxtı ilə bağlı qərar yaxın 10 gün ərzində veriləcək.

Reyting.az-ın məlumatına görə, bunu Serbiya Prezidenti Aleksandr Vuçiç "Informer" televiziya kanalında bildirib.

"Hər halda, təxminən on günə qərarımız olacaq. Seçkilərə gəldikdə isə, heç bir tələ yoxdur. Xalq buradadır, hansı gələcəyi istədiyini və onu kimə etibar etmək istədiyini özü müəyyən edir. Mən inanıram ki, seçkilər çox vacibdir. Həmişə dediyim kimi, dövlət oyuncaq deyil və seçkilər son dərəcə vacibdir", - Vuçiç əlavə edib.

Serbiya lideri vurğulayıb ki, vətəndaşlar gələcəklərini seçərkən "ölkənin maraqlarını ən yaxşı şəkildə qoruyacaq və müdafiə edəcək" şəxsləri dəstəkləməlidirlər. 

Prezident qeyd edib ki, ötən dövrdə çox şey əldə edilib və iqtisadi dövr "müstəsna real nəticələr" göstərib, lakin dünyada dəyişən şərait səbəbindən bir çox proseslərin dəyişdirilməsinə və sürətləndirilməsinə ehtiyac var.

Xatırladaq ki, Serbiya lideri əvvəllər Serbiyada növbədənkənar parlament seçkilərinin iki və ya altı ay ərzində keçirilə biləcəyini demişdi. Serbiya Milli Assambleyasının spikeri Ana Brnabiç hakim Serbiya Tərəqqipərvər Partiyasının qarşıdan gələn parlament seçkilərində Vuçiçi baş nazirliyə namizəd göstərəcəyini açıqlamışdı.

E. Kamal

• Teqlər
• #Serbiya
• #seçki