Rusiya Ukraynaya raketlər və 100-dən çox dronla hücuma keçib

İyulun 3-ü gecə saatlarında Rusiya Ukraynaya iki “X-59/69” idarə olunan hava-hava raketi və 105 ədəd “Şahed”, “Gerbera” və “Italmas” hücum PUA-ları və “Parodiya” dron təqlidçiləri ilə hücum edib.

Reyting.az Ukrayna Silahlı Qüvvələrinə istinadla bildirir ki, hava hücumu aviasiya, zenit-raket qüvvələri, elektron müharibə bölmələri, pilotsuz uçuş aparatları və mobil atəş qrupları tərəfindən dəf edilib.

Saat 08:30-a olan ilkin məlumata görə, hava hücumundan müdafiə sistemləri ölkənin şimalında, cənubunda və şərqində 83 hədəfi – “1 X-59/69” idarə olunan hava raketini və 82 PUA-nı zərərsizləşdirib.

16 yerdə 1 “X-59/69” idarə olunan hava raketinin və 21 hücum PUA-sının zərbəsi, eləcə də 5 yerdə vurulmuş təyyarələrin dağıntıları aşkar edilib.

"Hücum davam edir! Ukrayna hava məkanında bir neçə PUA var. Təhlükəsizlik qaydalarına riayət edin!" - deyə Ukrayna Silahlı Qüvvələrinin məlumatında bildirilir.

V. Quliyev
 

• Teqlər
• #Rusiya
• #Ukraynaya raketlər və 100-dən çox dronla hücum başlayıb