Rusiya Odessa bölgəsinə kütləvi hücum edib

Rusiya ordusu Odessanın cənub bölgəsinə kütləvi hücum edib. Hücum dağıntılara və çoxsaylı yanğınlara səbəb olub, xüsusən də xəstəxana, yaşayış binaları, liman infrastrukturu və digər obyektlərə ciddi ziyan dəyib. 

Reyting.az xəbər verir ki, bu barədə Ukrayna rəsmiləri və hüquq-mühafizə orqanları bildiriblər.

“Cənubi Odessa bölgəsi üçün çətin bir gecə oldu. Düşmənin kütləvi hücumu xəstəxanaya və yaşayış binalarına ciddi ziyan vurdu və təbiət qoruğunda yanğın baş verdi. Təəssüf ki, iki nəfər yaralanıb: çoxsaylı qəlpə yaraları ilə xəstəxanaya yerləşdirilən bir kişi və bir qadın var. Həkimlər onların vəziyyətini ağır kimi qiymətləndirirlər”, - deyə Odesa rəhbəri Oleq Kiper vurğulayıb.

Onun sözlərinə görə, rayon xəstəxanası pilotsuz təyyarənin zərbəsi nəticəsində zərər görüb. Təcili yardım şöbəsi tamamilə dağılıb. Tibbi, kardiologiya və cərrahiyyə şöbələri, eləcə də ultrasəs, rentgen və digər otaqlar ciddi ziyan görüb. Hücum zamanı tibb işçiləri və xəstələr sığınacaqda olublar.

V. Quliyev
 

• Teqlər
• #Odessa
• #hücum