Rusiya dəniz komandanlıq məntəqəsinə zərbə endirilib

Ukrayna Müdafiə Qüvvələri Rusiyanın bir sıra mühüm hədəflərinə zərbə endirib. 

Reyting.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Müvəqqəti işğal olunmuş Sevastopol şəhərində Rusiya Qara Dəniz Donanması üçün “Streletski” dəniz komandanlıq məntəqəsi də vurulub.

Bundan əlavə, Müdafiə Qüvvələri bir sıra digər hədəflərə zərbə endirib. Bunlara Kursk bölgəsindəki PUA idarəetmə mərkəzləri və Xarkov bölgəsinin müvəqqəti işğal olunmuş ərazilərindəki Molniya PUA idarəetmə mərkəzi daxildir.

Ukrayna qüvvələri həmçinin Belqorod vilayətinin Vyazovoe kəndi yaxınlığındakı rus ordu bölməsinin komanda məntəqəsinə zərbələr vurub. Həmçinin Rusiya Federasiyasının Belqorod vilayətinin Donetsk vilayətinin müvəqqəti işğal zonasındakı Zatışne və Vısokoe yaxınlığındakı komandanlıq və müşahidə məntəqələrinə zərbələr endirilib. Müdafiə Qüvvələri həmçinin Donetsk vilayətinin Qrafskoye kəndi yaxınlığındakı düşmən şəxsi heyətinin cəmləşdiyi ərazini hədəfə alıb.

“Düşmənin itkiləri və vurulan zərərin miqyası müəyyənləşdirilir. Ukrayna Müdafiə Qüvvələri rus işğalçılarının hücum potensialını azaltmaq və Rusiyanın Ukraynaya qarşı silahlı təcavüzünə son qoymaq üçün tədbirlər görməyə davam edir”, - Baş Qərargah vurğulayıb.

V. Quliyev
 

• Teqlər
• #Rusiya
• #Ukrayna