Paşinyan: Azərbaycanla möhkəm hüquqi bazaya malik sülh bərqərar olub 

Ermənistan Respublikası TRIPP (Trampın Beynəlxalq Sülh və Rifaha Doğru Yolu) layihəsinin həyata keçirilmə mərhələsinə qədəm qoyur.

Reyting.az "Armenpress"ə istinadla xəbər verir ki, bunu Ermənistanın Baş naziri Nikol Paşinyan Milli Assambleyada çıxışı zamanı deyib. 

"Çətin beynəlxalq vəziyyətə baxmayaraq, Amerika Birləşmiş Ştatları, Ermənistan Respublikası və Azərbaycan Respublikası hökumətləri regional rabitənin bərpasını və TRIPP layihəsinin həyata keçirilməsini prioritet hesab edirlər", - deyə Paşinyan əlavə edib.

Baş nazir vurğulayıb ki, bu layihənin həyata keçirilməsi regionda uzunmüddətli, sabit və etibarlı sülhün vacib sütununa çevrilməsinin tanınması ilə bağlıdır.

Paşinyan qeyd edib ki, Ermənistan və Azərbaycan arasında möhkəm hüquqi bazaya malik sülh bərqərar olub.

"Sülh hüquqi cəhətdən məcburidir. Bu halda mən delimitasiya komissiyalarının birgə fəaliyyətini tənzimləyən qaydalardan danışıram",- deyən Paşinyan əmin edib ki, Kirantsdakı məktəbin Azərbaycanla sərhəddən cəmi 50 metr məsafədə yerləşməsi artıq oradakı şagirdləri qorxutmur: "Bu arada, sərhəddən 30 metr məsafədə futbol oynayırlar. Sülh də elə budur".

E. KAMAL
 

• Teqlər
• #Paşinyan
• #Sülh haqqında