Kral III Çarlz Donlad Trampın siyasətinə qarşıdır

Britaniya monarxı Ukraynanı müdafiə etməkdə “sarsılmaz qətiyyət” göstərməyə çağırıb və ABŞ Prezidenti Donald Trampın ziddiyyətli açıqlamaları fonunda NATO birliyini müdafiə edib.

Reyting.az “Politico”ya istinadla xəbər verir ki, Kral III Çarlz ABŞ Konqresinə tarixi müraciəti zamanı Ukraynaya qeyd-şərtsiz dəstək və müttəfiqlər arasında birliyin vacibliyini vurğulayıb. 

Britaniya monarxının çıxışı Trampın NATO müttəfiqlərinə qarşı müntəzəm tənqidlərinə birbaşa cavab hesab edilir. III Çarlz 5-ci maddədə təsbit olunmuş kollektiv müdafiə prinsipini və 11 sentyabr 2001-ci il terror hücumlarından sonrakı tarixi həmrəyliyi xatırladıb. 

“Biz bu çağırışa bir əsrdən çoxdur ki, yan-yana cavab verdiyimiz kimi, birlikdə cavab verdik”, - deyə Kral bildirib. O, müasir çağırışlar qarşısında Qərb birliyinin vacibliyini təsirli şəkildə vurğulayıb.

Ayrı-ayrılıqda III Çarlz Ukraynanı müdafiə etməkdə “sarsılmaz qətiyyətə” çağırıb ki, bu da Vaşinqtona Kiyevə dəstəkdən imtina etməmək üçün açıq  siqnal sayılır. 

Onun sözləri transatlantik münasibətlərdəki gərginlik və ABŞ-da ölkənin qlobal münaqişələrdəki rolu ilə bağlı müzakirələr fonunda səslənib.

Çıxışı zamanı Kral simvolik olaraq Magna Carta-ya istinad edərək, hətta kralın da qanundan üstün olmadığını vurğulayıb. Bir çoxları bu mesajı Trampın idarəetmə tərzinə qarşı tənqidlərə dolayı cavab kimi şərh edib.

V. Quliyev

• Teqlər
• #Kral III Çarlz
• #Tramp