Hikmət Hacıyev İran səfiri ilə görüşüb

Bu gün Prezidentin köməkçisi Hikmət Hacıyevlə İranın ölkəmizdəki fövqəladə və səlahiyyətli səfiri Müctəba Dəmirçilu arasında görüş keçirilib.

Bu barədə iranlı diplomat sosial media hesabında məlumat paylaşıb.

Səfir görüşdə regional məsələlərin müzakirə olunduğunu yazıb: “Azərbaycan Respublikası Prezidentinin xarici siyasət məsələləri üzrə köməkçisi Hikmət Hacıyevlə keçirilən görüşdə regional proseslər müzakirə olunub, həmçinin ikitərəfli münasibətlərdə gündəmdə olan bəzi məsələlərin irəlilədilməsi ilə bağlı razılıq əldə edilib”.