23 mindən çox müəllim sertifikatlaşdırma prosesinə cəlb olunub

Dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsi başlayıb.

Reyting.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyindən bildiriblər.

Məlumata görə, iyunun 25-nə qədər davam edəcək sertifikatlaşdırma prosesində Azərbaycan dili, rus dili, Azərbaycan dili və ədəbiyyat, rus dili və ədəbiyyat, fransız dili, alman dili, təsviri incəsənət, musiqi, fizika, kimya, biologiya, riyaziyyat, coğrafiya, informatika, ingilis dili, ibtidai sinif, tarix, fiziki tərbiyə və texnologiya fənlərini tədris edən təhsilverənlər iştirak edəcəklər.

Sertifikatlaşdırma prosesinin ilk günündə Azərbaycan dili, rus dili, Azərbaycan dili və ədəbiyyat, rus dili və ədəbiyyat, fransız dili, alman dili müəllimləri iştirak edirlər.

Test mərhələsinin 35 mərkəzdə keçiriləcəyi və prosesdə 23 mindən çox təhsilverənin iştirak edəcəyi bildirilir. 
 

• Teqlər
• #Test imtahanı:
• #23 mindən çox müəllim sertifikatlaşdırma prosesinə cəlb olunub