193 yaşlı tısbağanın ölüm xəbəri yalandır

Dünyanın ən yaşlı tısbağası Conatan hələ də sağdır. Bu, sosial mediada geniş yayılmış və saxtakarlıq kimi üzə çıxan paylaşımın əksinədir.

Reyting.az məlumatına görə, “X”-də əvvəllər Conatana qulluq etmiş baytar Co Hollinsə məxsus olduğu iddia edilən bir hesabda tısbağanın Müqəddəs Yelena adasında təxminən 193 yaşında öldüyü bildirilib.

BBC, “USA Today” və “Daily Mail” kimi media orqanları bu paylaşımla bağlı məlumatlar paylaşıblar.

Hollins o vaxt “USA Today”-a verdiyi açıqlamada "Tısbağa Conatan sağdır",- deyib. "Mən inanıram ki, “X”-də mənim adımdan danışan şəxs kriptovalyuta ianələri istəyir. Bu, hətta 1 Aprel zarafatı da deyil, fırıldaqdır".

Müqəddəs Yelena ştatının qubernatoru Nigel Phillips BBC-yə elektron poçt vasitəsilə Conatanın sağ olduğunu bildirib.

Conatanın dəqiq yaşı məlum olmasa da, 1882-ci ildə çəkilmiş bir fotoşəkil göstərir ki, o, ilk dəfə adaya gətirildikdə tam yetkin olub - Müqəddəs Yelena qubernatorunun rəsmi iqamətgahı olan Plantation House ərazisində yaşayıb.

Mütəxəssislər deyirlər ki, bu, onun həmin vaxta qədər təxminən 50 yaşında olduğunu göstərir.
 
V. Quliyev

• Teqlər
• #Tısbağa
• #193 yaş