Reyting.az xəbər verir ki, dövlət başçısı Ümumdünya Şəhərsalma Forumunun 13-cü Sessiyasının keçirilməsi ilə bağlı göstərdiyi dəstəyə görə BMT rəhbərliyinə minnətdarlığını bildirdi, tədbirin uğurlu olması üçün Azərbaycan Hökumətinin və BMT-nin Məskunlaşma Proqramının bir komanda kimi fəaliyyət göstərdiyini dedi.

WUF13-ün COP29-dan sonra iştirakçı sayına görə ölkəmizdə keçirilən ikinci mühüm qlobal tədbir olduğunu diqqətə çatdıran Prezident İlham Əliyev COP29 kimi Ümumdünya Şəhərsalma Forumunun 13-cü Sessiyasının da uğurla təşkil edildiyini vurğuladı.

Dövlət başçısı Azərbaycanın BMT-nin Məskunlaşma Proqramı ilə səmərəli əməkdaşlıq həyata keçirdiyini deyərək, ölkəmizin gələcəkdə də bu Proqramla tərəfdaşlığını davam etdirəcəyini və Ümumdünya Şəhərsalma Forumunun digər sessiyalarının işində də fəal olacağını bildirdi.

Amina Mohammed BMT-nin Baş katibi Antonio Quterreşin salamlarını dövlətimizin başçısına çatdırdı.

Salamlara görə minnətdarlığını bildirən Prezident İlham Əliyev onun da salamlarını Antonio Quterreşə çatdırmağı xahiş etdi.

WUF13-ün uğurla keçdiyini deyən Amina Mohammed bununla bağlı dövlətimizin başçısını təbrik etdi. O, bu tədbirdə dünyanın müxtəlif ölkələrindən çox sayda yüksək səviyyəli qonağın iştirak etməsinin dərin təəssürat hissi yaratdığını bildirdi.

Amina Mohammed Bakıda müasir şəhərsalma qaydaları tətbiq olunmaqla tarixi irslə müasirliyin vəhdətinin təmin edildiyini məmnunluqla vurğuladı və bildirdi ki, bu, paytaxtımıza xüsusi gözəllik verir.

Görüşdə Azərbaycanın işğaldan azad edilmiş ərazilərdə postmünaqişə şəraitində həyata keçirdiyi bərpa və quruculuq işlərinin postmünaqişə vəziyyətindəki regionlar üçün bir nümunə olduğu bildirildi və bu xüsusda ölkəmizin təcrübəsinin BMT çərçivəsində digər ölkələrlə bölüşməsinin faydalı olacağı vurğulandı.

Azərbaycanın "ASAN xidmət" modelinin BMT-nin dövlət xidmətləri mükafatına, həmçinin BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görüldüyü xatırlandı, "ASAN xidmət"in uğurlu təcrübə kimi Afrika və Asiyanın müxtəlif ölkələrində tətbiq olunduğu qeyd edildi.

Söhbət zamanı Azərbaycanla BMT arasında uzun illərdir uğurlu əməkdaşlığın həyata keçirildiyi və ölkəmizin bu təşkilatın fəal üzvü olduğu, onun proqram və tədbirlərinin icrasına mühüm töhfələr verdiyi vurğulandı. İndiyədək BMT-nin müxtəlif mövzulara aid beynəlxalq tədbirlərinin Azərbaycanda yüksək səviyyədə təşkil olunması məmnunluqla xatırlandı.

Reyting.az xəbər verir ki, görüşdə Esvatini Şahzadəsi Lindani Dlamini və bu ölkənin xarici işlər və beynəlxalq əməkdaşlıq naziri, senator Folile Şakantu da iştirak ediblər.

Səfəri çərçivəsində Azərbaycan Prezidenti ilə görüşünü məmnunluqla xatırlayan Esvatini Kralı BMT-nin Ümumdünya Şəhərsalma Forumunun 13-cü Sessiyasının (WUF13) yüksək səviyyədə təşkil edildiyini deyərək, bununla bağlı təbriklərini çatdırıb.

Leyla Əliyeva təbriklərə və xoş sözlərə minnətdarlığını bildirdi, öz növbəsində WUF13-ün dünyanın müxtəlif ölkələri arasında şəhərsalma sahəsində təcrübə mübadiləsi aparmaq üçün uğurlu platforma olduğunu deyib.

Görüşdə Azərbaycan-Esvatini ikitərəfli əlaqələrinin inkişafı üçün yaxşı imkanların olduğu bildirildi, Heydər Əliyev Fondu ilə bu ölkə arasında mümkün əməkdaşlığın perspektivləri müzakirə olunub.

Reyting.az xəbər verir ki, dövlət başçısı Ümumdünya Şəhərsalma Forumunun 13-cü Sessiyasının keçirilməsi ilə bağlı göstərdiyi dəstəyə görə BMT rəhbərliyinə minnətdarlığını bildirib, tədbirin uğurlu olması üçün Azərbaycan Hökumətinin və BMT-nin Məskunlaşma Proqramının bir komanda kimi fəaliyyət göstərdiyini deyib.

WUF13-ün COP29-dan sonra iştirakçı sayına görə ölkəmizdə keçirilən ikinci mühüm qlobal tədbir olduğunu diqqətə çatdıran Prezident İlham Əliyev COP29 kimi Ümumdünya Şəhərsalma Forumunun 13-cü Sessiyasının da uğurla təşkil edildiyini vurğulayıb.

Dövlət başçısı Azərbaycanın BMT-nin Məskunlaşma Proqramı ilə səmərəli əməkdaşlıq həyata keçirdiyini deyərək, ölkəmizin gələcəkdə də bu Proqramla tərəfdaşlığını davam etdirəcəyini və Ümumdünya Şəhərsalma Forumunun digər sessiyalarının işində də fəal olacağını bildirib.

Amina Mohammed BMT-nin Baş katibi Antonio Quterreşin salamlarını dövlət başçısına çatdırıb.

Salamlara görə minnətdarlığını bildirən Prezident İlham Əliyev onun da salamlarını Antonio Quterreşə çatdırmağı xahiş edib.

WUF13-ün uğurla keçdiyini deyən Amina Mohammed bununla bağlı dövlət başçısını təbrik edib. O, bu tədbirdə dünyanın müxtəlif ölkələrindən çox sayda yüksək səviyyəli qonağın iştirak etməsinin dərin təəssürat hissi yaratdığını bildirib.

Amina Mohammed Bakıda müasir şəhərsalma qaydaları tətbiq olunmaqla tarixi irslə müasirliyin vəhdətinin təmin edildiyini məmnunluqla vurğulayıb və bildirib ki, bu, paytaxtımıza xüsusi gözəllik verir.

Görüşdə Azərbaycanın işğaldan azad edilmiş ərazilərdə postmünaqişə şəraitində həyata keçirdiyi bərpa və quruculuq işlərinin postmünaqişə vəziyyətindəki regionlar üçün bir nümunə olduğu bildirilib və bu xüsusda ölkəmizin təcrübəsinin BMT çərçivəsində digər ölkələrlə bölüşməsinin faydalı olacağı vurğulanıb.

Azərbaycanın “ASAN xidmət” modelinin BMT-nin dövlət xidmətləri mükafatına, həmçinin BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görüldüyü xatırlanıb, “ASAN xidmət”in uğurlu təcrübə kimi Afrika və Asiyanın müxtəlif ölkələrində tətbiq olunduğu qeyd edilib.

Söhbət zamanı Azərbaycanla BMT arasında uzun illərdir uğurlu əməkdaşlığın həyata keçirildiyi və ölkəmizin bu təşkilatın fəal üzvü olduğu, onun proqram və tədbirlərinin icrasına mühüm töhfələr verdiyi vurğulanıb. İndiyədək BMT-nin müxtəlif mövzulara aid beynəlxalq tədbirlərinin Azərbaycanda yüksək səviyyədə təşkil olunması məmnunluqla xatırlanıb.

Reyting.az xəbər verir ki, bunu Neftçilərin Hüquqlarını Müdafiə Komitəsinin sədri Mirvari Qəhrəmanlı “Azəriqaz” işçilərinə istinadən sosial şəbəkə hesabında yazıb.

Hüquq müdafiəçisi qeyd edib ki, yağışda, palçıqda, qaz sızmasının təsiri altında çalışan qaynaqçı, qəza zamanı həyatını riskə atan çilingər, illərlə istehsalatın yükünü daşıyan fəhlə “adi işçi” olaraq qalır.

M. Qəhrəmanlı özünü peşəkar hesab edən rəhbər şəxslərin diqqətinə çatdırıb ki, 1000-dən çox abonentə xidmət göstərən satış xidməti üzrə çilingərlərin gördüyü işlər heç də kiçik deyil:

“Hər ay sayğac göstəricilərinin oxunması, hər 3 aydan bir texniki baxışın keçirilməsi, ödəniş etməyən abonentlərin qaz təchizatının dayandırılması, qaz sızmalarının qarşısının alınması, sayğac dəyişiklikləri və digər ağır, məsuliyyətli işlər həyata keçirilir.

Üstəlik, bütün bunlar həm fiziki, həm də təhlükəsizlik baxımından ciddi risk altında görülür. Amma universitet diplomunun mürəkkəbi hələ qurumamış bəzi şəxslər və ya tamam başqa sahədən gəlib birbaşa kabinet mühəndisi olanlar qısa müddətdə “əlavə peşəkar” statusu qazanırlar.

Belə görünür ki, peşəkarlıq artıq iş təcrübəsi ilə yox, kondisionerli otağın yerləşdiyi mərtəbə ilə ölçülür.

Ən maraqlı məqam isə budur ki, bu əlavələrin hansı meyarlar əsasında verildiyini soruşanda ortada nə konkret mexanizm görünür, nə də şəffaf izah verilir. Halbuki peşəkar dedikdə işini vicdanla və yüksək səviyyədə görən insan nəzərdə tutulur - istər qaynaqçı olsun, istər usta, istər fəhlə, istərsə də mühəndis.

Əgər “əlavə peşəkarlıq” həqiqətən peşəkarlığa görə verilirsə, o zaman istehsalatın ən ağır yükünü çəkən insanların adları niyə siyahılarda yoxdur?

Yox, əgər məsələ başqa meyarlarla ölçülürsə, onda buna “əlavə peşəkarlıq” demək bir qədər çətin görünür”.

M. Qəhrəmanlı bu iradlarından sonra “Azəriqaz” işçilərindən birinin şikayətini də ictimailəşdirib.

Sayğac baxışı üzrə çilingər işləyən yeni əməkdaş şikayətində bildirib ki, “Azəriqaz” sistemində haqsızlıqlar çoxdur:

“Hər şeyə görə izahata çağırırlar: yığım, MF (planşetdə borc kəsimi), sayğaca baxış, sayğac dəyişimi, aylıq pul yığımı və s. Pulu yığa bilmirsənsə, deyirlər şənbə və bazar günləri işə çıx. İnanın, borclarım olduğuna görə səbr edirəm. Öz işlərində olan problemləri də bizim üzərimizə yükləyirlər. Bu qədər özbaşınalıq edən qurum görməmişəm.

Yuxarıda işləyənlərin də çox məsələdən anlayışı yoxdur. Açığı, SMS göndərirlər, amma özləri o qədər hərf səhvi edirlər ki... Bu qədər savadsız insanların bizi idarə etməyə çalışması çox ağırdır. Biri gəlib yığım tələb edir, digəri MF istəyir, başqa biri isə sayğaca baxış tələb edir. Bu qədər yükün axırı necə olacaq?

Bilirəm ki, bundan çıxış yolu toplu şəkildə fikir bildirməkdir. Təəssüf ki, heç kim bunu etmək istəmir. Hamı dözür, səbr edir ki, bəlkə yaxşı olar. Onlara isə bu qədər çox “qul” olması sərf edir”.

M. Qəhrəmanlıya paylaşımlarına və işçilərin hüquqlarını müdafiə etdiyinə görə təşəkkür edən çilingər sonda yazıb ki, çalışdığı departament dəlixananı xatırladır.

V. Quliyev

P.S. Reyting.az “Azəriqaz” İB-nin də mövqeyinə hörmətlə yanaşır və məsələyə münasibətinə yer ayırmağa hazırdır.
 

Reyting.az xəbər verir ki, klubun tibb departamentinin rəhbəri Rodriqo Zoqaib futbolçunun durumunun ciddi olmadığını deyib. 

Onun sözlərinə görə, Neymarın sağ baldır əzələsində yaranan problem futbolçunun uzun müddət yaşıl meydanlardan uzaq qalmasına səbəb olmayacaq.

Məlumata əsasən, təcrübəli hücumçunun mayın 27-dək tam hazır vəziyyətə gəlməsi gözlənilir. Neymar yaxın oyunlarda komandasına kömək edə bilməsə də, gələn həftə Brazil national football teamin düşərgəsinə qoşulacağı bildirilir.

Hazırda futbolçunun müalicəsi "Santos"un məşq bazasında davam etdirilir. Qeyd olunur ki, onun vəziyyəti həm klubun, həm də Braziliya millisinin həkimləri tərəfindən nəzarətdə saxlanılır.

Xatırladaq ki, DÇ-2026 2026-cı ilin 11 iyun - 19 iyul tarixlərində ABŞ, Kanada və Meksikada təşkil olunacaq. Braziliya millisi turnirdə C qrupunda Mərakeş, Haiti və Şotlandiya ilə qarşılaşacaq.(milli.az)
 

Reyting.az xəbər verir ki, məktubda deyilir:

"Cənab Prezident.

Müstəqillik Günü münasibətilə həyat yoldaşım və mən Zati-alinizə və Azərbaycan Respublikasının vətəndaşlarına ən səmimi təbriklərimizi və ən xoş arzularımızı çatdırırıq.

Bu əlamətdar gün xalqlarımız arasındakı davamlı dostluq barədə düşünmək üçün dəyərli fürsətdir. İkitərəfli əlaqələrimizin möhkəmliyini yüksək qiymətləndirir və qarşıdakı illərdə əməkdaşlığımızın daha da genişləndirilməsinə sadiq qaldığımı bildirirəm.

Dövrümüzün ortaq çağırışları, xüsusilə iqlim dəyişikliyi və ətraf mühitimizin qorunması ilə bağlı məsələlərlə üzləşdiyimiz bir vaxtda ölkələrimizin təsirli və uzunmüddətli həllər naminə birgə fəaliyyətini davam etdirəcəyinə ümidvaram.

Həyat yoldaşım və mən qarşıdakı dövrdə sülh, firavanlıq, rifah diləyi ilə Sizə və bütün azərbaycanlılara ən səmimi salamlarımızı göndəririk".

Reyting.az xəbər verir ki, bunu Beynəlxalq Münasibətlərin Təhlili Mərkəzi (BMTM) İdarə Heyətinin sədri Fərid Şəfiyev Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Laçın&Kəlbəcər: Urbisiddən və münaqişədən sonrakı yenidənqurmaya aparan yol" adlı sessiyada deyib.

O bildirib ki, Ermənistan bu ərazilərdən həm hərbi, həm də digər logistik məqsədlər üçün istifadə edirdi:

"Nəticədə Ermənistan bu iki rayonu ayrıca seçərək onları işğal altında saxlamaq planı üzrə hərəkət edirdi. Ermənistan vasitəçilərin dəstəyi ilə keçmiş Dağlıq Qarabağ muxtariyyətinin hüdudlarından kənarda işğal olunmuş rayonların qaytarılması ilə bağlı danışıqlarda "5+2" formulunu təklif etmişdi. Əslində isə Ermənistan Laçın və Kəlbəcəri daimi nəzarət altında saxlamaq və keçmiş Dağlıq Qarabağla birlikdə Ermənistana birləşdirmək niyyətində idi".

Reyting.az xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, Azərbaycanda peşə əmək qabiliyyətinin itirilməsi dərəcəsinin müəyyən edilməsi ilə bağlı fəaliyyəti Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi həyata keçirəcək.

Peşə əmək qabiliyyətinin itirilməsi dərəcəsinin müəyyən edilməsi sığortalı və ya sığortaçının nazirliyin Mərkəzləşdirilmiş elektron informasiya sisteminin (MEİS) "Əmək və məşğulluq" altsistemi, sığorta olunanın isə "e-sosial" internet portalında olan şəxsi kabineti vasitəsilə müraciəti və ya məhkəmə qərarı ilə "Əlilliyin qiymətləndirilməsi məqsədilə tibbi-sosial ekspertiza müayinəsinə göndərişlərin verilməsi Qaydası"na uyğun olaraq verilmiş göndəriş əsasında olacaq.

Agentlik MEİS-in "Əlillik" altsisteminə göndərişin daxil olduğu tarixdən 10 iş günü müddətində peşə əmək qabiliyyətinin itirilməsi dərəcəsinin müəyyən edilməsinə dair qiymətləndirmənin aparılacağı tarix və yer barədə altsistem üzərindən sığorta olunana, sığortalı və ya sığortaçıya məlumat göndərəcək.

Barələrində məlumatların məxfiləşdirilməsi nəzərdə tutulan sığorta olunanların peşə əmək qabiliyyətinin itirilməsi dərəcəsinin müəyyən edilməsi onların unikal kodları göstərilməklə rəsmiləşdirilən və sığortalı tərəfindən kağız daşıyıcıda (elektron daşıyıcı əlavə edilməklə) Agentliyə təqdim olunan müvafiq təsdiqedici sənədlər əsasında həyata keçiriləcək. Agentlik sənədlərin təqdim olunduğu tarixdən 10 iş günü müddətində peşə əmək qabiliyyətinin itirilməsi dərəcəsinin müəyyən edilməsinə dair qiymətləndirmənin aparılacağı tarix və yer barədə məlumatı kağız daşıyıcıda sığortalıya göndərəcək.

Reyting.az xəbər verir ki, Baş nazir Əli Əsədov bununla bağlı Dövlət orqanlarının işğaldan azad edilmiş ərazilərdə işləyən və ya xidmətdə olan əməkdaşları üçün mənzil kirayəsi xərclərinin ödənilməsi və bununla əlaqədar bəzi məsələlərin tənzimlənməsi haqqında Qərar imzalayıb.

Reyting.az xəbər verir ki, bunu WUF13 çərçivəsində keçirilən “Laçın&Kəlbəcər: Urbisiddən və münaqişədən sonrakı yenidənqurmaya aparan yol” adlı tədbirdə Kəlbəcər rayonunda Azərbaycan Respublikası Prezidentinin xüsusi nümayəndəsi Bəşir Hacıyev deyib.(APA)
 

Reyting.az xəbər verir ki, təbrikdə deyilir:

“Hörmətli İlham Heydər oğlu.

Qırğız Respublikasının xalqı adından və şəxsən öz adımdan Sizi Azərbaycan Respublikasının Müstəqillik Günü münasibətilə səmimi-qəlbdən təbrik edirəm.

Azərbaycan Respublikası Sizin müdrik rəhbərliyinizlə dinamik inkişafını davam etdirir və dünya birliyində layiqli yer tutub.

Tam əminəm ki, Qırğızıstan ilə Azərbaycan arasında strateji tərəfdaşlıq münasibətləri qardaş xalqlarımızın rifahı naminə bundan sonra da inkişaf edəcək.

Hörmətli İlham Heydər oğlu, Sizə möhkəm cansağlığı və rifah, qardaş Azərbaycan xalqına isə sülh və tərəqqi arzulayıram”.
 

Reyting.az xəbər verir ki, bu barədə “Daily Star” məlumat yayıb.  

III Çarlzın köməkçisi Krala “defekasiyanı” göstərib və ona plaşını geyinməyi təklif edib. Lakin Kral təbəssümlə ona cavab verib və təbəələri ilə əlsıxma prosedurunu davam etdirib. 

Nyukasl sakini İren Martinq və onun bacısı da Krala pencəyinin ləkələnmiş hissəsini göstərsələr də, III Çarlz buna əhəmiyyət verməyib. 

İren jurnalistlərə “biz kralla qağayı barədə danışdıq, o isə cavabında zarafatla dedi ki, “yaxşı ki, qağayı başına qonmayıb”.

V. Quliyev
 

Reyting.az xəbər verir ki, tikintidə əvvəlcədən zavod şəraitində hazırlanmış polad modullardan istifadə olunub. Daha sonra həmin modullar kran vasitəsilə üst-üstə yerləşdirilərək boltlarla birləşdirilib. Tikinti zamanı ərazidə beton tökmə və qaynaq işləri aparılmayıb.

Yeni layihə çərçivəsində 14 min kvadratmetr yaşayış sahəsi və 208 mənzil yaradılıb. Mənzillər əvvəlcədən mebel və daxili avadanlıqlarla təchiz olunub ki, bu da binanın qısa müddətdə təhvil verilməsini asanlaşdırıb.

“Broad Group” şirkətinin nümayəndəsi bildirib ki, istehsal xətti hər 21 dəqiqədən bir yeni modul hazırlamaq gücünə malikdir.

Oqtay Qorçu
 

Reyting.az xəbər verir ki, Pakistan Baş nazirinin təbrik məktubunda deyilir:

"Zati-aliləri, əziz Qardaşım.

Azərbaycan Respublikasının Müstəqillik Günü münasibətilə Zati-alinizə, eyni zamanda, hökumətinizə və qardaş Azərbaycan xalqına ən səmimi təbriklərimi çatdırıram. Bu tarixi gün Azərbaycan xalqının mətanətini, qətiyyətini və sarsılmaz ruhunu təcəssüm etdirir. Pakistan xalqı böyük ölkənizin tərəqqi, sabitlik və inkişaf yolunda mühüm irəliləyişini mənimlə birlikdə yüksək dəyərləndirir.

Zati-alinizlə və əziz Qardaşımız Prezident Rəcəb Tayyib Ərdoğanla birlikdə ötən il Azərbaycanda iştirak etmək şərəfinə nail olduğum Müstəqillik Günü tədbirləri yaddaşımda hər zaman xoş xatirə kimi qalacaq.

Zati-aliləri, Pakistan müdrik rəhbərliyinizlə davamlı şəkildə güclənən və inkişaf edən Azərbaycanla qardaşlıq münasibətlərinə çox böyük əhəmiyyət verir. Qardaşlığımız regional sülhə dair ortaq baxışı, qarşılıqlı hörməti və tərəfdaşlığımızın münasibətlərin dərinliyinə uyğun şəkildə inkişafı ilə bağlı istəyimizi əks etdirir.

Əminəm ki, Zati-alinizin müdrikliyi və uzaqgörənliyi sayəsində Azərbaycan daha böyük uğurlara və daha yüksək rifaha nail olacaq.

Sizi Bakıda Ümumdünya Şəhərsalma Forumunun 13-cü Sessiyasının uğurla keçirilməsi münasibətilə təbrik edirəm. Çox yaxın gələcəkdə Sizinlə görüşməyi səbirsizliklə gözləyirəm.

Fürsətdən istifadə edərək Zati-alinizi Pakistana rəsmi səfərə dəvətimi bir daha təkrarlayıram. Sizi ölkəmizdə çox səmimi qarşılamaqdan məmnun olardıq.

Sizə möhkəm cansağlığı, Azərbaycan xalqına isə davamlı tərəqqi arzu edirəm.

Zati-aliləri, ən yüksək ehtiramımı qəbul etməyinizi xahiş edirəm".

Reyting.az xəbər verir ki, bu barədə Müdafiə Nazirliyindən məlumat verilib.

Bildirilib ki, Türkiyə Silahlı Qüvvələrinin Quru Qoşunları komandanı ordu generalı Metin Tokel məruzə edərək təlimin ümumi gedişatı, qarşıya qoyulmuş tapşırıqların məqsədi və yerinə yetirilmə ardıcıllığı barədə məlumat verib.

Qeyd olunub ki, "EFES - 2026" təlimində ilk dəfə olaraq T625 GÖKBEY helikopterləri, 105 mm Boran yedəkli haubitsaları, MEMATT minatəmizləmə vasitələri, KARAOK, UMTAS və L-UMTAS tank əleyhinə raket sistemləri, eləcə də ASLAN SARP UKKS insansız yerüstü idarə olunan kəşfiyyat və atəş vasitələrindən istifadə edilir.

Türkiyənin milli müdafiə naziri Yaşar Gülər bu cür təlimlərin əhəmiyyətini qeyd edib və hərbi qulluqçulara uğurlar diləyib.

Təlimi izləyən Türkiyə Prezidenti Rəcəb Tayyib Ərdoğan çıxışında "Yüksək Səviyyəli Müşahidəçi Günü"nün iştirakçılarını salamlayıb, "EFES-2026" təliminin regional və qlobal sülhə, əmin-amanlığa və sabitliyə böyük töhfə verdiyini vurğulayıb.

Sonra təlimə cəlb edilən bölmələr praktiki olaraq müxtəlif taktiki epizodları icra ediblər.

Daha sonra yüksək səviyyəli nümayəndələr aviasiya vasitələrinin nümayiş uçuşlarını, xüsusi təyinatlıların paraşüt tullanışlarını və "Mehteran" birliyinin çıxışlarını izləyiblər.

"Yüksək Səviyyəli Müşahidəçi Günü" çərçivəsində təşkil olunan Müdafiə Sənayesi Sərgisinə gələn qonaqlar nümayiş etdirilən hərbi silah və texnika nümunələri ilə tanış olublar.

Beynəlxalq təlimdə iştirak edən Azərbaycan hərbi qulluqçularının peşəkarlığı yüksək qiymətləndirilib.

Reyting.az xəbər verir ki, Misir Prezidentinin təbrik məktubunda deyilir:

"Zati-aliləri cənab Prezident.

Ölkənizin milli bayramı - Müstəqillik Günü münasibətilə Sizə və dost Azərbaycan xalqına səmimi təbriklərimi və ən xoş arzularımı çatdırmaqdan şərəf duyuram.

Bu əlamətdar günü Sizinlə birlikdə qeyd edərkən, Misir və Azərbaycan arasında mövcud olan dostluq münasibətlərini yüksək qiymətləndirirəm. Eyni zamanda, dost xalqlarımızın mənafeyinə uyğun olaraq ortaq maraq doğuran müxtəlif sahələrdə əlaqələrimizin daha da dərinləşdirilməsi və genişləndirilməsi istiqamətində Sizinlə sıx əməkdaşlıq etməyə sadiq qaldığımı bir daha təsdiqləyirəm.

Hörmətli cənab Prezident, Zati-alinizə möhkəm cansağlığı və xoşbəxtlik, Azərbaycan xalqına isə davamlı tərəqqi və rifah arzulayıram".

Reyting.az xəbər verir ki, məktubda deyilir:

"Əs-səlamu əleykum və rəhmətullahi və bərəkətuhu.

Möhtərəm Prezident, əziz Qardaşım.

Ölkənizin Müstəqillik Günü münasibətilə Zati-alinizə ən səmimi təbriklərimi və ən xoş arzularımı çatdırıram.

Sizə cansağlığı və xoşbəxtlik, qardaş Azərbaycan Respublikasının Hökumətinə və xalqına daha da çox inkişaf və firavanlıq arzu edirəm.

Zati-alinizə hörmət və ehtiramla Qardaşınız,

Salman bin Əbdüləziz Al Səud

İki Müqəddəs Ocağın Xadimi, Səudiyyə Ərəbistanının Kralı".

Reyting.az Qaynarinfo-ya istinadla xəbər verir ki, AAYDA sədri Vüsal Nəsirlinin müvafiq əmri ilə Xidmətin direktoru vəzifəsinə Zaur İbrahimov gətirilib.

Publik Hüquqi Şəxsdə rəis sözü direktorla əvəzlənib.

Xəbəri dəqiqləşdirmək üçün AAYDA-nın mətbuat xidməti ilə əlaqə saxlamaq cəhdlərimiz nəticəsiz qaldı.

Qeyd edək ki, bu ilin fevral ayında Əmək və Əhalinin Sosial Müdafiəsi Nazirliyi (ƏƏSMN) yanında Sosial Xidmətlər Agentliyinin İdarə Heyətinin sədr müavini vəzifəsindən azad olunan Zaur İbrahimov AAYDA İdarə Heyəti sədrinin inzibati idarəetmə məsələləri üzrə məsləhətçisi təyin olunmuşdu.

Xatırladaq ki, Avtomobil Yollarının Mühafizə Xidmətinin rəisi Səftər İsmayılov bir neçə gün əvvəl vəzifəsindən azad olunmuşdu. Məlumata görə, Xidmətdə aparılan yoxlama zamanı ciddi pozuntular aşkarlanıb. Sözügedən qurumun bir sıra vəzifəli şəxsləri barəsində araşdırmalara başlanılıb.

Reyting.az xəbər verir ki, bu, "Microsoft" şirkətinin qiymətləndirməsində əksini tapıb. 

2026-cı il üçün ölkələr üzrə süni intellektin tətbiqi xəritəsində qeyd olunur ki, siyahıya Birləşmiş Ərəb Əmirlikləri liderlik edir. Bu ölkədə tam əmək qabiliyyətli əhalinin 70 faizdən çoxu aktiv süni intellekt istifadəçisidir. 

İkinci yerdə 63 faiz göstərici ilə Sinqapurdu.

ABŞ aparıcı süni intellekt şirkətlərinin mərkəzi olsa da, hətta ilk 20-liyə düşməyib. 

ABŞ-la müqayisədə Norveç, İrlandiya, İspaniya, Fransa, Niderland və Avropa ölkələrində süni intellektdən istifadə səviyyəsi 40 faizi ötür. Ekspertlər bunu inkişaf etmiş rəqəmsal iqtisadiyyat və keyfiyyətli internet infrastrukturu ilə əlaqələndirirlər.

"Microsoft"un məlumatında qeyd olunur ki, Asiya süni intellektin çox sürətlə yayıldığı regionlardan birinə çevrilib və son dövrlər ərzində bu sahədə ən yüksək artım Cənubi Koreyada müşahidə olunub. Bu ölkədə 2025-ci ilin ilk yarısından 2026-cı ilin ilk rübünə qədər süni intellektdən istifadə 43,2 faizə qədər artıb. 

Taylandda, Yaponiyada və Monqolustanda da son vaxtlar süni intellektdən istifadədə artım qeydə alınıb.

Çində süni intellektlə bağlı göstərici hələlik 16 faizdir. Lakin ölkədə əhali sayı nəzərə alınarsa, hətta kiçik artım belə Çində yüz milyonlarla yeni istifadəçi deməkdir.

Araşdırmaların yekununda vurğulanıb ki, süni intellektin tətbiq sürətindəki fərqlər yaxın onilliklər ərzində ölkələr arasında iqtisadi bərabərsizliyin əsas səbəblərindən birinə çevrilə bilər.

Oqtay Qorçu
 

 Lent.az Rusiya mediasına istinadla bildirir ki, Krasnodarda iş adamı Şahlar Novruzov barəsində məhkəmə prosesi başlayıb. Prokurorluq onu “Tuapse Dəniz Kommersiya Limanı” MMC-nin payları ilə bağlı xüsusilə külli miqdarda dələduzluğa cəhd etməkdə ittiham edir. Məhkəmə prosesi qapalı keçirilib.

İstintaqın versiyasına görə, Novruzov 2014-cü ildə müəssisəni “Vonixel Limited” adlı ofşor şirkətə satıb. İddiaya görə, lakin 10 il sonra liman üzərində nəzarəti yenidən ələ keçirmək qərarına gələrək saxta boşanma prosesi təşkil edib. Bu prosesdə onun həyat yoldaşı rolunu oynayan qohumu sövdələşmənin ləğv edilməsini tələb edib.

Krasnodar Vilayət Məhkəməsi Şahlar Novruzovla yanaşı və Leyla Hacıyevanı da məsuliyyətə cəlb edib.

Şahlar Novruzov “Kafe Starıy Baku” MMC və “Dar Frut” MMC-nin direktoru vəzifələrində çalışıb. Bundan başqa, iş adamı “Tuapse Dəniz Kommersiya Limanı” (TMKL), “TMKL Müəssisəsi” və “Temryuk Dəniz Aşırma Terminalı” şirkətlərinə sahib olub. Tuapsedə yerləşən liman müəssisələri vasitəsilə Rusiyanın cənubuna idxal olunan meyvə və tərəvəzlərin əhəmiyyətli hissəsi daşınır.

Hüquq-mühafizə orqanlarındakı mənbənin verdiyi məlumata görə, Novruzov və Hacıyevaya qarşı cinayət işi TMKL şirkətinin sahibinin dəyişdirilməsi ilə bağlıdır.

2014-cü ilin oktyabrında Şahlar Novruzov Oleq Basindən “Tuapse Dəniz Kommersiya Limanı” MMC-nin 100 faiz payını alıb. İttihama görə, həmin ilin dekabrında isə bu payları Britaniya Vircin adalarında qeydiyyatdan keçmiş “Vonixel Limited” şirkətinə verib. Əvəzində Novruzov “Vonixel Limited”in səhmlərini əldə edib. Beləliklə, Tuapsedəki dəniz aşırma terminalına nəzarət xarici sahiblərin əlinə keçib.

2022-ci ildə Britaniyanın asılı ərazisi olan Britaniya Vircin adaları Rusiya üçün “dost olmayan ölkələr” siyahısına daxil edilib. İttiham tərəfinin fikrincə, məhz bu dövrdə Şahlar Novruzovun biznesi yenidən öz nəzarətinə qaytarmaq və Rusiya nəzarət orqanlarının diqqətindən yayındırmaq ideyası yaranıb.

İstintaq materiallarında bildirilir ki, planı həyata keçirmək üçün Novruzov qohumu Leyla Hacıyevanı özünü onun həyat yoldaşı kimi təqdim etməyə razı salıb. İttihama görə, onların hesablaması qanundakı bir normaya əsaslanırdı: həyat yoldaşlarından biri razılığı olmadan bağlanmış müqaviləni etibarsız saydıra bilər.

2024-cü ilin fevralında Leyla Hacıyeva Krasnodarın Prikuban rayon məhkəməsinə boşanma ərizəsi, həmçinin TMKL şirkətinin 100 faiz payının “Vonixel Limited” ofşoruna verilməsi ilə bağlı müqavilənin etibarsız sayılması tələbi ilə müraciət edib.

 Hacıyeva məhkəməyə 2014-cü ildə Azərbaycanda bağlandığı göstərilən nikah haqqında şəhadətnamənin surətini təqdim edib. Lakin həmin vaxt Tuapsedəki liman obyektləri ətrafındakı hadisələr artıq Rusiya hüquq-mühafizə orqanlarının diqqətini cəlb edib. Onlar Şahlar Novruzov və Leyla Hacıyeva arasında əslində nikahın bağlanmadığı barədə məlumat əldə ediblər.

 2025-ci ilin martında dələduzluğa cəhd faktı üzrə cinayət işi açılıb. Şahlar Novruzov həbs olunub və hazırda da həbsdə saxlanılır.

 Məlumata görə, biznesmen və qadın özlərini təqsirli hesab etmirlər. Onlar nikahın saxta olmasının sübuta yetirilmədiyini bildirirlər. TMKL paylarını mənimsəməyə cəhd ittihamına gəlincə isə, Şahlar Novruzovun müdafiə tərəfi Tuapse limanındakı bütün aktiv əməliyyatlarının qanuni olduğunu deyir.

 2025-ci ilin noyabrında Krasnodar diyarının Arbitraj Məhkəməsi Baş Prokurorluğun iddiasını təmin edərək Şahlar Novruzova məxsus əmlakın, o cümlədən “Tuapse Dəniz Kommersiya Limanı”, “TMKL Müəssisəsi”, “Dar Frut” və “Temryuk Dəniz Aşırma Terminalı” şirkətlərinin Rusiya dövlətinin gəlirinə keçirilməsi barədə qərar çıxarıb.

 Məhkəmə belə qənaətə gəlib ki, mübahisəli aktivlər “Müdafiə və təhlükəsizlik baxımından strateji əhəmiyyət daşıyan təsərrüfat cəmiyyətlərinə xarici investisiyaların qoyulması qaydası haqqında” qanunun pozulması ilə əldə olunub. Belə ki, həmin sövdələşmələr Rusiya hökuməti ilə razılaşdırılmayıb.

Reyting.az xəbər verir ki, ölkənin ən nüfuzlu kibertəhlükəsizlik platformalarından birinə çevrilmiş bu forum dövlət strukturlarını, özəl sektorun təmsilçilərini, beynəlxalq partnyorları, texnologiya şirkətlərini və sahə mütəxəssislərini bir məkanda cəmləyərək kibertəhlükəsizlik sahəsindəki müasir çağırışların və gələcəyə dair perspektivlərin müzakirəsi üçün əhəmiyyətli əməkdaşlıq platforması yaradacaq.

Forumun başlıca hədəfi Azərbaycanda milli kibertəhlükəsizlik ekosisteminin inkişafına dəstək olmaq, dövlət və özəl sektor arasında tərəfdaşlıq əlaqələrini möhkəmləndirmək, həmçinin beynəlxalq təcrübənin və innovativ metodların mübadiləsini stimullaşdırmaqdır.

Tədbir zamanı kibertəhlükəsizlik sahəsində tanınmış beynəlxalq mütəxəssislərin, qabaqcıl qlobal İT və texnologiya şirkətlərinin rəhbərlərinin çıxışları planlaşdırılır. Forum çərçivəsində rəqəmsal transformasiya prosesində meydana çıxan yeni kiber təhdidlər, süni intellekt texnologiyalarının kibertəhlükəsizliyə göstərdiyi təsir, kritik infrastrukturun müdafiəsi, regional əməkdaşlıq perspektivləri və kibermüdafiə sahəsində çağdaş yanaşmalar geniş şəkildə müzakirəyə çıxarılacaq.

Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən Reyting.az-a verilən məlumata görə, bu gün günorta saatlarında bölgədə başlayan yağıntı qısa müddətdə intensiv xarakter alıb. 

Yağıntı və dolu nəticəsində hər hansı ciddi fəsad qeydə alınmayıb. Elektrik enerjisi, qaz və su təchizatı normal rejimdə fəaliyyətini davam etdirir.

Həmçinin yaşayış məntəqələrində infrastruktura və fərdi təsərrüfatlara ziyan dəyməyib.

Reyting.az Futbolinfo.az-a istinadən xəbər verir ki, Macarıstanın “Ferentsvaroş” klubu müdafiəçini israrla heyətinə qatmaq niyyətindədir. Onlar bir neçə dəfə “Qarabağ”a təklif göndərib. Ağdam klubu Elvinin transferi üçün 1,5 milyon avro (3 milyon manat) istəyir.

Bununla yanaşı, Türkiyənin “Amed” klubu da Azərbaycan yığmasının üzvü ilə maraqlanıb. Superliqaya yeni vəsiqə qazanan komanda transfer məbləğini ödəməyə də hazırdır. Lakin məsələ odur ki, Elvin xarici klublardan ilinə 1 milyon avro maaş istəyib. O, meneceri vasitəsilə hər iki kluba yalnız bu şərtlər altında keçəcəyini deyib.

Cəfərquliyevin “Neftçi”yə keçidi də gündəmdə olub. Lakin buna da “Qarabağ” maneə törədib. Ağdam klubu xarici klublardan fərqli olaraq, “Neftçi”dən daha çox transfer məbləği istəyib. Bakılılar isə razılaşmayıb və keçid baş tutmayıb.

Qeyd edək ki, E.Cəfərquliyev hazırda “Qarabağ”ın əvəzedici heyətində çıxış edir. O, ötən gün “Kəpəz”ə qarşı keçirilən oyunda da meydanda olub. Lakin ikinci hissənin ortalarında futbolçu zədələnərək əvəzlənib.

Reyting.az xəbər verir ki, bunu ABŞ Prezidentinin xüsusi nümayəndəsi Ceff Landri Danmarks Radiosuna müsahibəsində deyib. 

Siyasətçi Danimarka muxtariyyətinin suverenliyinə şübhə ilə yanaşsa da, ABŞ-ın adanı “ələ keçirməsindən” qorxmamağa çağırıb: “Missiyamız Monro Doktrinasını (ABŞ-ın Qərb yarımkürəsində müstəsna maraqlarının bəyannaməsi) Qrenlandiyaya müsbət təsir edəcək şəkildə bu əraziyə yaymaqdır”.

E. Kamal
 

Reyting.az xəbər verir ki, bu barədə “Reuters” agentliyi Çin Xarici İşlər Nazirliyinin (XİN) sözçüsünə istinadla məlumat yayıb. 

XİN sözçüsü bunu brifinqdə ABŞ Prezidenti Donald Trampın Çinə səfərindən sonra yaranmış vəziyyəti şərh edərkən deyib.

Çinli diplomat onu da nəzərə çatdırıb ki, ölkənin Müdafiə Nazirliyi bu məsələ ilə bağlı daha ətraflı arqumentlər gətirə bilər. 

Xatırladaq ki, Pekin əvvəllər də adaya silah satışının qəbuledilməzliyini dəfələrlə vurğulayıb.

E. Kamal
 

Reyting.az APA-ya istinadla xəbər verir ki, bunu WUF13 çərçivəsində keçirilən “Çoxtərəflilik vasitəsilə mənzil təminatının inkişafı: Qlobal öhdəliklərdən yerli təsirə doğru” tədbirində Dövlət Şəhərsalma və Arxitektura Komitəsinin sədri Anar Quliyev deyib.

O bildirib ki, fokus artıq siyasətin hazırlanmasından onun effektiv icrasına keçməlidir: “Şəhərlər bir-biri ilə əlaqəli ekosistemlərdir və mənzil siyasəti nəqliyyat, əmək bazarı, ətraf mühit, enerji səmərəliliyi və sosial infrastrukturla birlikdə planlaşdırıldıqda daha effektiv olur. Çoxtərəflilik isə yalnız məsləhət platforması deyil, icra yönümlü əməkdaşlıq modelinə çevrilməlidir. Şəhərlərə maliyyələşmə, texnologiya transferi, institusional tərəfdaşlıqlar və bacarıq inkişafı lazımdır. Maliyyələşmə əsas çağırışlardan biridir. Dövlət resursları təkbaşına kifayət etmir, buna görə dövlət-özəl tərəfdaşlıqları və innovativ maliyyə mexanizmləri vacibdir.

Azərbaycan hesab edir ki, dayanıqlı mənzil və urban dayanıqlılıq inteqrasiya olunmuş planlaşdırma və uzunmüddətli strateji baxış tələb edir. Xüsusi nümayəndəlik institutu azad olunmuş ərazilərdə koordinasiyanı təmin edərək bu sahədə effektiv model yaradıb.

Azərbaycan həmçinin Dayanıqlı İnkişaf Məqsədlərinin lokallaşdırılmasını həyata keçirərək onları yerli planlaşdırmaya inteqrasiya edir. Bugünkü müzakirələr çoxşaxəli əməkdaşlığın gücləndirilməsi və qlobal urban çağırışlara daha effektiv cavab verilməsi üçün mühüm imkan yaradır”.
 

Reyting.az xarici mediaya istinadla xəbər verir ki, Latviyadakı rusdilli əhalini ayrı-seçkilikdən qorumaq təşəbbüsü ilə çıxış edən Riqa Şəhər Şurasının üzvü Aleksey Roslikov mandatından və fraksiya rəhbəri vəzifəsindən məhrum edilib.

2025-ci ilin iyununda Latviya Seyminin sessiyasında ölkədə sovet ruslaşmasının “dil nəticələrinin aradan qaldırılması” haqqında bəyannamə layihəsinin müzakirə olunanda o vaxtkı deputat Roslikov ölkədə rus dilinin qorunub saxlanmasını dəstəkləmişdi...

E. Kamal
 

Reyting.az “Sputnik Kazaxstan”-a istinadla xəbər verir ki, bu barədə Rusiyanın BMT yanında daimi nümayəndəsi Vasili Nebenzya jurnalistlərə açıqlamasında bildirib.

“Ukrayna ordusu Donbasdan çıxarılmalı və biz həqiqətən hərtərəfli, ədalətli və davamlı sülhün spesifik parametrlərinin müzakirəsinə keçməliyik. Qarşı tərəf bunu dərk edənə qədər Rusiya Silahlı Qüvvələri xüsusi hərbi əməliyyatı davam etdirəcək”, - Nebenzya vurğulayıb.

“Biz Kiyevdən nizamlanma istiqamətində substantiv irəliləyiş əldə etmək istəyilə bağlı heç bir siqnal almırıq. Yəni, danışıqlar prosesi dalana dirənib”,- Rusiyanın BMT-dəki daimi nümayəndəsi bildirib.

Y. Qacar
 

Reyting.az xəbər verir ki, bu barədə Azərbaycan Prezidenti "X" sosial şəbəkəsində məlumat paylaşıb.

İlham Əliyev qeyd edib ki, bu gün Prezident Emmanuel Makrondan telefon zəngi alıb: “Telefon söhbəti zamanı biz Azərbaycan–Fransa ikitərəfli münasibətlərinin gündəliyindəki məsələləri nəzərdən keçirdik və qarşılıqlı maraq doğuran məsələlər üzrə fikir mübadiləsi apardıq. Biz həmçinin regional və qlobal hadisələri müzakirə etdik".
 

Reyting.az AZAL-a istinadən xəbər verir ki, sərnişinlərin təhlükəsizliyi əsas götürülərək bütün zəruri tədbirlər görülür.

Hava şəraiti sabitləşdikdən sonra reyslərin əvvəlki qaydada icrasına davam ediləcək.

Dövran dəyişib. Dünən peşəsinə və cəmiyyətdə daşıdığı missiyasına görə hörmət və izzətlə məclisin yuxarı başına keçirilən müəllim bu gün bir çox hallarda yerini “iş adamına”, “obyekt sahibinə”, “oliqarxa” verməli olub. Nə etmək olar, quruluşla bərabər əsr, hətta minillik     dəyişib və biz bunu, əlbəttə, təəssüf hissilə yazırıq. 

Amma ya dünən, ya bu gün, ümumiyytlə, heç vaxt dəyişməyəcək dəyərlər də var. Çoxdan dünyasını dəyişmiş, intəhası, heç vaxt unutmadığımız dogma müəllimimizi düşünəndə qeyri-ixtiyari bu fikirlər beynimizdə dolaşdı. 

Əsl müəllimi, yüksək kateqoriyalı pedaqoqu, qayğıkeş insanı, nurlu şəxsiyyəti el-obanın dərd-sərinə yanan, nəsllərin taleyinə işıq salan çırağa bənzədərdim. Belə insanlar Yaradanın yazdığı ömür qismətini başa vurandan sonra şərəfli missiyalarını öz ardıcıllarına əmanət edib əbədiyyətə qovuşurlar. Kəlbəcər rayonunun Sarıdaş kəndində boya-başa çatan, tarix müəllimi, kənd orta məktəbinin direktoru, rayon təhsil şöbəsinin müdiri olan, doğulduğu kənddə hər kəsin ağsaqqal kimi qəbul etdiyi İslam Salahov məhz belə insan olub. Tam səmimi olaraq deyə bilərəm ki, İslam müəllim şagirdlərinə, həmkarlarına, doğmalarına örnək sayıla biləcək bir ömür yaşayıb. 

Respublika miqyasında tanınmış pedaqoq-ziyalı, ali kateqoriyalı müəllim, qabaqcıl təhsil işçisi bütün həyatını məsləyinə, gənc nəslin təlim-tərbiyəsinə həsr edib. Dürüstlüyü və halallığı, haqqı və ədaləti, vicdanla yaşayıb işləməyi özünə həyat devizi seçmiş İslam müəllimin fədakarlığı və cəfakeşliyi, qayğıkeşliyi barədə düşünəndə gözümün qarşısında bu mənzərə canlanır: direktor təyin olunanda Sarıdaş kənd məktəbində vəziyyət çox acınacaqlı, cəmi 4 sinif otağından ibarət məktəbin divarları suvaqsız, döşəməsi, tavanı çılpaq, maddi-texniki təminatı isə bərbad vəziyyətdə idi. Nəinki normal təlim-təcrübə sahəsi, idman meydançası, idman avadanlıqları, heç dərs ləvazimatları belə yox idi. 

Çox keçmədi ki, bu mənzərə yenisi ilə əvəzləndi: məktəb ixtisaslı müəllimlərlə təmin olundu, ardınca yeni məktəb binasının inşasına başlanıldı, 1,5 hektarlıq təlim-təcrübə sahəsi hasarlandı, ərazidə bağ salındı, meyvə ağacları, gül kolları əkildi, idman meydançası yaradıldı, müxtəlif idman növləri üçün yer düzəldildi.
 
Üstəlik, müəllimlərin yaradıcılıqla işləməsi üçün metodiki ədəbiyyat, əyani vəsaitlər təşkil edildi. Dərsdənkənar məşğələlər, idman yarışları keçirilməyə başlandı. Beləcə, Sarıdaş kənd orta məktəbi rayonumuzun ən qabaqcıl təhsil ocaqlarından birinə çevrildi. Məktəbimiz məhz İslam Salahovun adı ilə tanınıb, sonradan onun yetirmələri də öz töhfələrini veriblər.
 
Müəllimlik bütün zamanlarda şərəfli peşə hesab olunub, müəllim isə cəmiyyətdə ən hörmətli şəxs kimi qəbul edilib. İslam müəllim dünyaya sanki müəllimlik etmək, maarif ziyasını yaymaq üçün gəlmişdi. O, ömrünü ancaq məsləyi uğrunda yaşadı, peşəsinə verdiyi dəyərlə bu adı daha da yüksəltdi. Onun xatirələrdə yaşayan işıqlı obrazı bu gün də canlıdır, kənd sakinləri məktəbimiz barədə məbəd kimi danışırlar. Təsadüfi deyildi ki, kiçik bir kənd məktəbinin 70-ə yaxın məzunu ali təhsil alıb, müxtəlif ixtisaslara yiyələniblər.

Bu günlərdə İslam müəllimin anadan olmasının 90 illiyi tamam oldu. Sevimli müəllimimiz örnək sayılacaq ömrünü bizə - kəndimizin uşaqlarına, o məktəbdə təhsil alanların hamısına həsr etdi. 

Ruhun şad olsun, böyük müəllim. Sarıdaş kənd orta məktəbin məzunları, bütün sarıdaşlılar Sizi heç vaxt unutmayacaq, adınız daim dərin ehtiram və rəhmətlə anılacaq.

Şahin Əliyev,
Kəlbəcər rayonu Sarıdaş kənd orta məktəbin 1981-ci il məzunu
 

Reyting.az xəbər verir ki, bunu ölkədəki Vulkanologiya və Geoloji Fəlakətlərin Azaldılması Mərkəzi bildirib. 

Məlumata görə, kül vulkanın kraterindən 900 metr və ya dəniz səviyyəsindən 4576 metr yüksəkliyə çatıb. Püskürmə ilə yanaşı, qərbə doğru yayılan sıx boz kül buludları da müşahidə olunub. Daha üç Semeru püskürməsi külü 4,2 km-dən 4,4 km-ə qədər yüksəkliklərə atıb.

Vulkanologiya Mərkəzi vulkanın isti qayaları püskürtmə riski səbəbindən yaxınlıqdakı ərazilərin sakinlərinə və turistlərə kraterdən 5 km radiusa yaxınlaşmağı qadağan edib. Təcili yardım xidmətləri yaxınlıqdakı çaylar boyunca lava axınları, isti buludlar və palçıq axınları riski barədə xəbərdarlıq ediblər.

Qeyd edək ki, Semeru İndoneziyada dördüncü ən yüksək vulkandır (dəniz səviyyəsindən 3676 m yüksəklikdə) və Yava adasındakı ən yüksək zirvədir.

V. Quliyev
 

Reyting.az xəbər verir ki, sabah şimal-şərq küləyi əsəcək. Havanın temperaturu gecə 15-17° isti, gündüz 20-24° isti olacaq. Atmosfer təzyiqi 757 mm civə sütunundan 762 mm civə sütununa yüksələcək. Nisbi rütubət gecə 70-75%, gündüz 60-65% təşkil edəcək.

Azərbaycanın rayonlarında bəzi yerlərdə arabir yağıntılı olacağı gözlənilir. Ayrı-ayrı yerlərdə intensiv olacağı, qısamüddətə güclənəcəyi, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Bəzi yerlərdə arabir duman olacaq. Mülayim qərb küləyi əsəcək.Havanın temperaturu gecə 14-17° isti, gündüz 19-24° isti, dağlarda gecə 3-8° isti, gündüz 12-17°, bəzi yerlərdə 20-22° isti olacaq.

Reyting.az xəbər verir ki, “Nour News”-un məlumatına görə, bunu İran Xarici İşlər Nazirliyinin (XİN) sözçüsü İsmayıl Bəqai bildirib.

Agentlik Bəqaiyə istinad edərək yazıb ki, 14 bənddən ibarət olan İran qətnaməsinin ilkin mətninə əsasən bir neçə kommunikasiya mübadiləsi aparılıb.

XİN sözçüsü əlavə edib ki, İran Amerika tərəfinin fikirlərini araşdırır.

Agentlik aydınlaşdırıb ki, Vaşinqton və Tehran təklif olunan atəşkəs sənədinin mətni ilə bağlı Pakistan vasitəsilə mesaj mübadiləsi aparırlar.

Daha əvvəl “Tasnim” Xəbər Agentliyi məlumatlı mənbəyə istinadla ABŞ-ın İranın əvvəlki təkliflərinə Pakistan vasitəsilə cavab göndərdiyini bildirib.

Agentliyin mənbəyi qeyd edib ki, Tehran mətni nəzərdən keçirsə də, hələ cavab verməyə hazır deyil.

E. Kamal
 

Reyting.az xəbər verir ki, bunu jurnalistlərə açıqlamasında ADY-nin mətbuat katibi Bəxtiyar Hacıyev bildirib.

“Qatar 1 ədəd “Lüks” sinif, 1 ədəd qarışıq “Lüks” və “Komfort+” sinif, 3 ədəd “Komfort” sinif və 1 ədəd vaqon-restoran olmaqla 6 vaqondan ibarətdir və ümumi sərnişin tutumu 118 nəfər təşkil edir. “Komfort” sinif üzrə vaqonda 1 ədəd kupe hərəkəti məhdud sərnişinlər üçün nəzərdə tutulub. Bundan başqa, 1 ədəd qarışıq “Lüks” və “Komfort+” sinif üzrə vaqonda kupelər xüsusi arakəsmə ilə ayrılıb. Ailə və qrup səfərləri zamanı istəyə uyğun olaraq həmin arakəsmə açılaraq vahid kupe halına salına bilər”, - o qeyd edib.

B.Hacıyev bildirib ki, İsveçrənin “Stadler Rail Group” şirkətinin istehsalı olan vaqonlar yeni nəsil təhlükəsizlik texnologiyası və bir sıra innovativ mexanizmlərlə təchiz edilib: “Lüks sinif üzrə kupelər iki nəfərlikdir və hər biri masa, televizor, duş kabinəsi və sanitar qovşaqla təmin olunub. Eyni zamanda, komfort+ sinif üzrə kupelər iki nəfərlikdir və hər bir kupe televizor, masa və əlüzyuyanla təmin edilib. Komfort sinif üzrə kupelər dörd nəfərlikdir və hər birində televizor var. Komfort və Komfort+ vaqonlarda sərnişinlərin istifadəsi üçün ümumi, lüks vaqonlarda isə hər kupe üçün ayrıca duş kabinəsi və sanitar qovşaq mövcuddur. Kupelər fərdi tənzimlənən temperatur və işıqlandırma sistemi, bələdçi ilə əlaqə düyməsi, səs izolyasiyası ilə təmin olunub. Həmçinin şəxsi əşyalar üçün kart sistemi ilə çalışan seyf, elektrik yuvaları, internet, dörd dildə məzmunun təqdim edildiyi TV monitor, pult və qulaqlıq yerləri mövcuddur”.

ADY rəsmisinin sözlərinə görə, sərnişinlərə təmiz yataq dəsti, səfər paketi (komfort sinif üzrə nəm və quru salfet, diş dəsti (məcun və fırça), əl dəsmalı, yataq dəsti, su, tərlik; komfort+ sinif üzrə nəm və quru salfet, yuxu maskası, diş dəsti (məcun və fırça), əl dəsmalı,  yataq dəsti, su, tərlik, dabankeş; lüks sinif üzrə nəm və quru salfet, yuxu maskası, diş dəsti, gigiyenik dəst, dabankeş, su, tərlik, şampun, duş geli, əl və bədən dəsmalı, yataq dəsti) təqdim olunacaq/qafqazinfo.

Reyting.az xəbər verir ki, bu barədə "TGRT Haber" məlumat yayıb.

Məlumata görə, Bakırköy Baş Prokurorluğu tərəfindən aparılan əməliyyat çərçivəsində 25 nəfər saxlanılıb. Onların arasında Mabel Matiz kimi tanınan məşhur türkiyəli müğənni Fatih Karaca, aktrisalar Serenay Sarıkaya və Feyza Civelek də var.

Digər saxlanılanlar aşağıdakılardır:

Berkay Şahin, Tan Taşcı, Yağmur Ünal, Mirgün Sırrı Cabas, Hakan Aydın ("Blok 3"), Niran Ünsal, Volkan Bahçekapalı, Onur Tuna, Osman Haktan Canevi, Aslıhan Turanlı, Eren Kesimer, Kübra İmren Siyahdemir, Mehmet Rahşan, Cansu Tekin, Özgür Deniz Cellat, Yasemin İkbal, Tarık Tunca Bakır, Hanzede Gürkanlar, Aycan Yağcı, Tuğçe Postoğlu, Eda Dora ve Semiha Bezek.

Qeyd edək ki, saxlanılanlar arasında olan Mabel Matizin 24.10.2026 tarixində Bakıda konserti planlaşdırılır, biletlər artıq satışa da çıxarılıb.(Oxu.Az)

Reyting.az xəbər verir ki, bu barədə Dövlət İmtahan Mərkəzi məlumat yayıb.

Bİldirilib ki, abituriyentlər (subbakalavrlar) müvafiq keçidə daxil olub qeydiyyatdan keçə bilərlər.

İmtahanlar idman, təsviri sənət, musiqi sənəti, teatr, kino və xoreoqrafiya sənəti üzrə aparılacaq.

Abituriyentlər ali və orta ixtisas təhsili müəssisələrinin xüsusi qabiliyyət tələb edən ixtisaslarının yalnız 1 istiqaməti üzrə ən çox 4 komissiyadan qeydiyyatdan keçə bilərlər.

Ali təhsil müəssisələrinin xüsusi qabiliyyət tələb edən ixtisasları üzrə "Abituriyent" jurnalının xüsusi buraxılışları yaxın günlərdə nəşr olunacaq. Qabiliyyət imtahanlarının iyun – avqust aylarında keçirilməsi nəzərdə tutulur. DİM-in internet səhifəsində abituriyentlərə (subbakalavrlara) "Qabiliyyət imtahanına buraxılış vərəqəsi"ni çap edə biləcəkləri tarixlər haqqında məlumat veriləcək. "Qabiliyyət imtahanına buraxılış vərəqəsi"ndə qabiliyyət imtahanlarının tarixi, keçiriləcəyi ünvan və vaxt göstəriləcəkdir.

Qəbul (buraxılış) imtahanını Azərbaycan dilindən fərqli dildə verən abituriyentlərin Azərbaycan dili (dövlət dili) üzrə imtahanının ilk cəhdinin nəticəsi "qeyri-məqbul" olsa belə, qeydiyyatdan keçə bilərlər. Lakin bu abituriyentlərin nəzərinə çatdırırıq ki, onlar 21 iyun tarixində keçiriləcək Azərbaycan dili (dövlət dili) üzrə imtahanının ikinci cəhdində "məqbul" aldıqları təqdirdə müsabiqəyə buraxılacaqlar.

Subbakalavrlar aldıqları orta ixtisas təhsilinə uyğun olan qabiliyyət imtahanı komissiyaları üzrə qeydiyyatdan keçə bilərlər. Xatırladaq ki, qeydiyyatdan keçən zaman ixtisaslar üzrə uyğun komissiyalar proqram təminatı vasitəsilə subbakalavra təqdim edilir. Subbakalavrlar iyun ayının 1-dək ərizələrini təsdiq etməlidirlər. Belə ki, ali təhsil müəssisələrinin və 11 illik təhsil bazasında orta ixtisas təhsili müəssisələrinin xüsusi qabiliyyət tələb edən ixtisaslarına qəbul olmaq istəyən abituriyentlərin elektron ərizələrinin qeydiyyatı 1 iyun saat 23:59-dək davam edəcəkdir. Subbakalavrlar qabiliyyət imtahanında iştirak üçün qeyd olunan tarixədək müvafiq qabiliyyət komissiyası üzrə qeydiyyatdan da keçməlidirlər. Təhsil məlumatları tam olmayan, XQTİ-lər üzrə qabiliyyət imtahanlarında iştirak etmək istəyən subbakalavrlara tələb olunan məlumatların 31 may tarixindən gec olmayaraq orta ixtisas təhsili müəssisəsinin məsul şəxsləri tərəfindən sistemə yerləşdirilməsini diqqətdə saxlamaları tövsiyə olunur. Orta ixtisas təhsili müəssisəsini cari ildə bitirəcək subbakalavrlar elektron ərizəni yadda saxladıqdan sonra qabiliyyət imtahanı üçün qeydiyyatdan keçə bilirlər. Ancaq həmin subbakalavrlar da orta ixtisas təhsili müəssisəsinin məsul şəxsləri tərəfindən tələb olunan məlumatlar sistemə yerləşdirildikdən sonra avqust ayının 2-dək öz ərizələrini təsdiq etməlidirlər.

Xüsusi qabiliyyət imtahanı ilə bağlı daha geniş məlumatla elanın tam mətnində tanış olmaq mümkündür.

Reyting.az xəbər verir ki, bunu BMT-nin mənzil hüququ üzrə xüsusi məruzəçisi Paula Qaviria Bakıda WUF13 çərçivəsində keçirilən “Mənzil böhrandan qurtuluş və yenidənqurma üçün təməl kimi” adlı tədbirdə çıxışı zamanı bildirib.

Onun sözlərinə görə, şəhər böhranları insan hüquqlarının pozulmasının və beynəlxalq humanitar hüququn zəifləməsinin nəticəsidir.

"Şəhərlərin dağıdılmasının və icmaların köçürülməsinin qarşısını ala bilməsək, gələcəkdən danışa bilmərik", - deyə o bildirib.

Qaviria qeyd edib ki, oxşar proseslər Qəzzada, Suriyada və Ukraynada da müşahidə olunur.

O, beynəlxalq ictimaiyyətin böhranların nəticələrini aradan qaldırmaqla yanaşı, onların qarşısının alınmasına da daha çox diqqət yetirməli olduğunu vurğulayıb.

"Əgər pozuntular davam edərsə və qarşısı alınmazsa, yenidənqurma necə başlaya bilər?", - deyə xüsusi məruzəçi əlavə edib.

V. Quliyev
 

Reyting.az xəbər verir ki, bunu “The Guardian” Ümumdünya Səhiyyə Təşkilatının (ÜST) tədqiqat bölməsinin rəhbəri Vazi Murtiyə istinadla yazıb.

Onun sözlərinə görə, hazırkı peyvəndlər yalnız 2014-2015-ci illərdə Afrikada kütləvi Ebola epidemiyasına səbəb olan "Zair" ştammına qarşıdır.

V. Quliyev

Reyting.az “Qafqazinfo”ya istinadla xəbər verir ki, ədliyyə naziri Fərid Əhmədovun müvafiq Əmri ilə bu vəzifəyə Asif Hüseynov təyin edilib.

Məlumat üçün bildirək ki, A.Hüseynov 2016-cı ildə ədliyyə orqanlarında qulluğa qəbul olaraq Tovuz rayon icra və probasiya şöbəsində icra məmuru, 2022-ci ildən böyük icra məmuru vəzifəsində işləyib.

2025-ci ildə isə Şəmkir şəhər icra və probasiya şöbəsində böyük icra məmuru təyin edilib.

Reyting.az xəbər verir ki, sual-cavab formatında keçirilən sessiyada ADA Universitetinin Dizayn və Memarlıq Məktəbinin dekan müavini, Milan Politexnik Universitetinin (Politecnico di Milano) dABC kafedrasının dosenti Nora Lombardini, ADA Universitetinin Dizayn və Memarlıq Məktəbinin Memarlıq Dizaynı üzrə assistent professoru Leyla Həsənova, ADA Universitetinin İctimai və Beynəlxalq Münasibətlər Məktəbinin İctimai işlər üzrə dosenti Anar Vəliyev və ADA Universitetinin Dizayn və Memarlıq Məktəbinin dekan müavini, Milan Politexnik Universitetinin (Politecnico di Milano) DASTU kafedrasının dosenti Marco Bovati çıxış ediblər.

Marco Bovati diqqətə çatdırıb ki, yaşayış məkanlarının layihələndirilməsinin tədrisi zamanı müxtəlif çağırışlar var. İnnovasiya və tədqiqatlar isə bu sahədə fundamental biliklərin formalaşdırılması baxımından mühüm rol oynayır. 

N. Lombardini bərpa və yenidənqurma prosesindən də danışaraq, bu məsələdə dövlətin rolunun və dəstəyinin əhəmiyyətini xüsusi vurğulayıb.

Reyting.az xəbər verir ki, bu barədə DPA xəbər agentliyi kanslerin Avropa İttifaqı (Aİ) rəhbərliyinə ünvanladığı məktuba istinadla yazıb.

Qeyd olunur ki, Merz belə bir addımın atılmasının zəruriliyini ölkənin şərqindəki döyüşlərin yaratdığı xüsusi vəziyyəti, eləcə də Kiyevin inteqrasiya danışıqlarında "əhəmiyyətli irəliləyişi" qeyd etməklə əsaslandırıb. 

Kanslerin sözlərinə görə, xüsusi status ölkə sakinlərinə "güclü siyasi siqnal" göndərəcək və guya ABŞ-ın vasitəçiliyi ilə sülh danışıqlarını asanlaşdıracaq, o cümlədən Aİ üzv dövlətlərinin qarşılıqlı müdafiə öhdəliyini Ukraynaya tətbiq etməklə.

Merzin planına görə, əgər Ukraynaya belə bir status verilsəydi, nümayəndələr səsvermə hüququ olmadan bütün əsas AB orqanlarında - Avropa Komissiyasında, Avropa Şurasında, AB Şurasında, Avropa Parlamentində və AB Ədalət Məhkəməsində - iştirak edə biləcəklər. 

Kanslerin fikrincə, bu cür status Ukraynanın AB-yə tam üzvlük prosesinin irəliləməsinə kömək edəcək. Bundan əlavə, AB-yə üzvlük prosesindən fərqli olaraq, ölkəyə "assosiativ üzv" statusunun verilməsi üzv dövlətlərin parlamentlərinin təsdiqini tələb etmir.

Y. Qacar
 

Reyting.az xəbər verir ki, bunu Dövlət İmtahan Mərkəzindən bildiriblər.

Məlumata görə, bakalavrların ərizə qəbulu 23 may saat 23:59-dək internet vasitəsilə aparılır.

İmtahan Bakı, Abşeron və Sumqayıt şəhərlərində keçiriləcək. Bu imtahanda 17 may tarixində keçirilmiş imtahan üçün qeydiyyatdan keçmiş bütün bakalavrlar iştirak edə bilərlər.

17 may tarixli imtahanda iştirak etmək üçün buraxılış vərəqəsini əldə etmiş, lakin əlverişsiz hava şəraiti ilə bağlı Bakı, Abşeron və Sumqayıtda imtahanda iştirak etməmiş bakalavrlar üçün bu imtahan ödənişsizdir. Digər bakalavrlar isə istədikləri təqdirdə müvafiq qaydada ödəniş etməklə imtahanda yenidən iştirak edə bilərlər

Qəbul imtahanında 2 və ya 3 dəfə iştirak etmiş bakalavrlar ixtisaslaşma seçimi zamanı müsabiqə şərtlərini ödəyən ən yüksək nəticələrini seçə bilərlər.
 

Reyting.az xəbər verir ki, bunu ABŞ Prezidenti Donald Tramp deyib. 

"Xeyr. Heç bir eskalasiya olmayacaq", - deyə Tramp jurnalistlərin bu məsələ ilə bağlı sualına cavabında bildirib.

Onun sözlərinə görə, Kuba hakimiyyəti ölkədəki vəziyyətə nəzarəti itirib.

Lakin Tramp ABŞ-ın 3 yanvar 2026-cı ildə Venesuelaya qarşı tətbiq etdiyi eyni ssenarinin Kuba ilə bağlı mümkün olub-olmadığı sualına cavab verməkdən imtina edib.

Çərşənbə günü ABŞ Ədliyyə Nazirliyi Kuba Kommunist Partiyasının keçmiş sədri Raul Kastro və daha beş nəfərə qarşı 1996-cı ildə "Hermanos en rescate" humanitar təşkilatına məxsus iki Amerika təyyarəsinin vurulması ilə əlaqədar qətl və ABŞ vətəndaşlarını öldürmək üçün sui-qəsd ittihamları irəli sürüb.

Buna cavab olaraq Kuba Prezidenti ABŞ hakimiyyətinin Kastroya qarşı ittiham irəli sürmək cəhdinin heç bir hüquqi əsası olmadığını bildirib.

Xatırladaq ki, bundan əvvəl Amerika mediasında ABŞ-ın Kubaya qarşı hərbi ssenari ehtimalını araşdırdığı barədə məlumatlar yayılmışdı.

E. Kamal
 

Reyting.az xəbər verir ki, bu sözləri Pravda.az-a açıqlamasında sabiq deputat Tahir Kərimli deyib.

 T.Kərimli bildirib ki, qiymətlərin bahalaşmasının millətə necə mənfi təsir etməsi haqqında dəfələrlə rəsmi, qeyri-rəsmi çıxışlar edilib:

“Narazılığımızı bildirmişik. Xeyiri yoxdur ki, yoxdur... Bütün sahələr üzrə qiymətlər artıb. Axı bu, həqiqətən, çox böyük narazılıq yaradır. Camaatın əlacı yoxdur, danışmır, dinmir, amma öz aralarında narazılıqlar edirlər. Hamı əməkhaqqı, yaxud pensiya alan kimi fikirləşir ki, krediti, borclarını necə ödəsin. Qayğı ilə yaşayırlar… İnsanlar artıra bilmirlər. Ay aman, qazın, işığın, suyun pulu bu qədərdir... Minlərlə insan var ki, imkansızlıqdan xəstəsini müalicə etdirə bilmir. Baxmayaraq ki, icbari tibbi sığorta da oldu, yenə bu məsələlər düzəlmədi. Axı niyə? Bu qədər imkanımız, 87 milyard valyuta ehtiyatımız olduğu halda... Xüsusi investisiya bankı açıb camaatın hamısına kredit vermək lazımdır ki, işləsinlər, varlansınlar, heç olmasa bahalıq gözlərinə görünməsin. Bizə ancaq ürək ağrısı qalır. Əhalinin çoxu məsələ qaldırdığımıza görə dua edir, amma elələri də var, deyirlər ki, sizin deməyinizin nə xeyiri var? Belə olmaz. Bu cür bahalıq dövlətimizə ziyan gətirir, vətəndaşın cibinə uyğun deyil”.

Reyting.az xəbər verir ki, bu barədə məlumatı “RİA Novosti” agentliyi İrandakı hərbi mənbəyinə istinadla paylaşıb.
 
Hərbi mənbə İranın ABŞ-ın mümkün təkrar hücumuna hazırlığından danışarkən bildirib ki, "Biz hələ döyüş meydanında istifadə olunmayan və sınaqdan keçirilməmiş qabaqcıl silahlar istehsal etmişik".

O, Tehranın hücumların dəfi üçün istifadə edəcəyi resursların çatışmazlığı olmadığını vurğulayıb.

Mənbə bildirib ki, avadanlıq və ya müdafiə imkanları baxımından İranın müdafiəsinə mane olacaq heç bir çatışmazlıq yoxdur.

V. Quliyev
 

Reyting.az haqqin.az-a istinadla xəbər verir ki, artıq ilk təsnifat mərhələsində 16 yox, 12 komanda mübarizə aparacaq. Bu komandalar arasında Azərbaycanın vitse-çempionu “Qarabağ” da var.

Ağdam təmsilçisi püşkatmada səpələnmişlər sırasında olacaq.

Dəyişiklikdən sonra səpələnmiş və səpələnməmiş komandaların sayı 8 yox, 6 olub. “Qarabağ”ın mümkün rəqiblərindən 5-i artıq məlumdur:

- “Voyvodina” (Serbiya)
- “ÇFR Kluj (Rumıniya)
- “Aluminiy” (Sloveniya)
- “Derri Siti” (İrlandiya)
- “Vestri” (İslandiya).

6-cı mümkün rəqib isə Slovakiyanın “Jilina” və ya Moldovanın “Zimbru” klubu olacaq. “Zimbru” mayın 23-də ölkə kubokunun finalında qalib gəlsə, bu siyahıya daxil ediləcək.

Qeyd edək ki, Avropa Liqasının 1-ci təsnifat mərhələsinin püşkatması iyunun 16-da keçiriləcək. Bir gün sonra 2-ci təsnifat mərhələsinin püşkü atılacaq və “Qarabağ” burada da səpələnmişlər sırasında yer alacaq.

Lakin əgər “Qarabağ” mərhələ adlayarsa, iyulun 20-də keçiriləcək 3-cü təsnifat mərhələsinin püşkatmasında  səpələnməmişlər sırasında düşmək ehtimalı var.
 

Reyting.az-ın məlumatına görə, Tramp jurnalistlərə deyib ki, "Prezidentlə çox yaxşı söhbətim oldu; bizim çox yaxşı münasibətlərimiz var".

"Axios" qəzetinin jurnalisti Barak Ravid mənbələrinə istinadla bildirib ki, həmin gün Donald Trampın İsrailin Baş naziri Benyamin Netanyahu ilə "uzun və çətin" telefon danışığı olub. Tərəflər növbəti addımlar barədə razılığa gələ bilməyiblər.

Qeyd edək ki, Ərdoğan və Tramp arasında telefon danışığı mayın 20-də olub. Tərəflər Türkiyə-ABŞ ikitərəfli münasibətləri ilə yanaşı, regional və qlobal məsələləri də müzakirə ediblər.

E. Kamal
 

Reyting.az xəbər verir ki, bunu Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində jurnalistlərə açıqlamasında deyib.

Onun sözlərinə görə, hazırda qeyd olunan bu 3 rayonda yaşayanların ümumi sayı 50 min nəfərdən çoxdur:

"Bu il daha 30 min sakinin doğma yurdlarına qayıtması əsas hədəfimizdir. Ağdamda 4 və 5-ci yaşayış komplekslərinin, iki kəndin tikintisinin başa çatması, Füzulinin isə Dövlətyarlı və Pirəhmədli kəndlərinin tikintisinin başa çatdırılması ilə bunu təmin edə biləcəyik"(report).

Reyting.az-ın məlumatına görə, Milli Hidrometeorologiya Xidmətindən bildiriblər ki, mayın 21-i səhər Azərbaycanın şimal və qərb rayonlarından başlayaraq 25-i axşamadək bəzi yerlərdə hava şəraitinin qeyri-sabit keçəcəyi, fasilələrlə yağıntılı olacağı gözlənilir. 

Ayrı-ayrı yerlərdə yağıntının intensiv olacağı, şimşək çaxacağı, dolu düşəcəyi, yüksək dağlıq ərazilərdə qara keçəcəyi, 21-22-də yağıntıların qısa müddətə güclənəcəyi ehtimalı var. 

Yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi ehtimal olunur.

Reyting.az xəbər verir ki, hazırda “Azeri Light”in bir bareli 112,32 dollara satılır.

Xatırladaq ki, bundan əvvəl  neftimizin qiyməti 0.86 dollar ucuzlaşmışdı.

Yeri gəlmişkən, 2026-nın Dövlət büdcəsində bir barel neftin orta qiyməti 65 dolları götürülüb.

Reyting.az-ın məlumatına görə, bunu Respublika Seysmoloji Xidmət Mərkəzinin Zəlzələlərin tədqiqatı bürosundan bildiriblər.

Yerli vaxtla saat 05:47-də qeydə alınan zəlzələnin maqnitudası 3,6 olub. 

Zəlzələnin ocağı 20 kilometr dərinlikdə yerləşib.
 

Reyting.az xəbər verir ki, bunu ABŞ Prezidenti Donald Tramp bəyan edib.

Lakin Tramp İrandan “dəqiq cavablar” almaq üçün daha bir neçə gün gözləyəcəyini bildirib.

Trampın sözlərinə görə, bu vəziyyət davam edərsə, gərginlik tezliklə arta bilər:

“İnanın mənə, əgər düzgün cavablar almasaq, gözləmə mövqeyi çox tez başa çatacaq”.

ABŞ Prezidentindən nə qədər gözləyəcəyi soruşulduqda, Tramp bunun “bir neçə gün çəkə biləcəyini” deyib.

Tehran da öz növbəsində ABŞ-ı hücumları bərpa etməmək barədə xəbərdar edib.

İslam İnqilabı Keşikçiləri Korpusunun açıqlamasında deyilir: 

“İrana qarşı təcavüz təkrarlanarsa, vəd edilən regional müharibə bu dəfə regionun hüdudlarını aşacaq”.

E. Kamal
 

Reyting.az-ın məlumatına görə, nazir müavini Talqat Lastayev deyib ki, yeni texnika Çinin "AutoFlight" şirkəti tərəfindən istehsal olunub. 

Nazir müavini aerotaksinin üstünlükləri barədə məlumat verib. Lastayev bildirib ki, yeni aerotaksinin uçuş radiusu 250 kilometr, maksimal sürəti isə saatda 200 kilometrdir.

Qeyd olunur ki, Qazaxıstan hökuməti şəhərdə səma mobilliyini təmin edəcək layihələri həyata keçirmək məqsədilə qanunvericilikdə dəyişikliklərə hazırlaşır. 

Məlumata görə, artıq Qazaxıstan ərazisində aerotaksi, dron, eləcə də digər yeni uçuş aparatlarının istifadəsinə hazırlıq görülür.

Oqtay Qorçu
 

Reyting.az-ın məlumatına görə, səkkiz əsr boyunca rütubətli və oksigensiz mühitdə qalan tapıntı demək olar ki, zədələnməyib.

10×7,5 santimetr ölçüsündə olan qeyd kitabçasının üz qabığı dəridən və ağacdan, səhifələri isə mumdandır. Elm adamlarının fikrincə, kitabçanın sahibi ondan gündəlik qeydlər üçün istifadə edib. 

Alimlər bu tapıntının əhəmiyyətini onun dünyada indiyə qədər elm aləminə məlum olan ilk və qədim qeyd kitabçası olması ilə izah ediblər. 

Tədqiqatçılar qeyd kitabçasının təsadüfən çuxura düşdüyünü və ola bilsin ki, yarımçıq yazıldığını ehtimal edirlər. Arxeoloqların ilkin ehtimalına görə, əşya yerli tacirə məxsus olub. 

Mütəxəssislər bildiriblər ki, hazırda  tədqiqat qrupunun birgə iştirakı ilə orta əsr yazılarının deşifrə olunması üzərində iş gedir.

Oqtay Qorçu
 

Reyting.az-ın Qazaxıstan mətbuatına istinadla verdiyi məlumata görə, belə bir gözlənilməz, həm də təəccüblə qarşılanan təklifin izahını verən şəhərlilər bildiriblər ki, Temirin şəhər statusu burada yaşayanların dövlət proqramlarında iştirakına, həmçinin gənc mütəxəssisləri bu şəhərə cəlb etməyə mane olur. 

Tarixi qədim olan və 1870-ci ildə yaradılmış Temir vaxtilə şəhər statusu daşıyan böyük qəsəbə kimi iri ticarət mərkəzinə çevrilib. Hazırda bu şəhərdə XIX-XX əsrlərə aid məscid, kilsə və digər qədim binalar tarixi abidələr kimi bu gün də qorunub saxlanılır.

Yerli sakinlər bildiriblər ki, bütün ölkə boyu işə salınan və müxtəlif bölgələrə aid edilən "Diplomla kəndə" kimi böyük, o cümlədən də əhəmiyyətli proqramlar bu şəhərə şamil edilmir. Məhz elə bu səbəbdən gənc mütəxəssislər, xüsusilə də müəllimlər və həkimlər Temir şəhərində işləməyə çox maraq göstərmirlər. 

Temirin rəhbərliyi təsdiqləyib ki, həqiqətən sakinlər kütləvi şəkildə Temir şəhərinə kənd statusu istəyirlər. Onun sözlərinə görə, Temir şəhərinin statusu hələ müzakirə olunmasa da, o, rəhbər kimi qəbul ediləcək istənilən qərara hörmətlə yanaşacaq. 

Qazaxıstan Milli İqtisadiyyat Nazirliyindən isə bildiriblər ki, şəhərin status dəyişikliyi yerli icmanın razılığı əsasında mümkündür.

Bir zamanlar əhalisi 500 nəfərdən çox olan Temir şəhərində hazırda 2 mindən bir qədər çox sakin yaşayır.

Oqtay Qorçu
 

Reyting.az xəbər verir ki, bu mərhələdə Cəbrayıl rayonunun Şükürbəyli kəndinə  köç karvanı gedib. Köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış 39 ailədir.

Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər.

Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.

Reyting.az Türkiyə KİV-lərinə istinadla bildirir ki, telefon danışığı zamanı Türkiyə-ABŞ ikitərəfli münasibətləri ilə yanaşı, regional və qlobal məsələlər də müzakirə olunub.

Prezident Ərdoğan münaqişə zonasında atəşkəsin uzadılması qərarını inkişaf kimi qiymətləndirib, mübahisəli məsələlərin ağlabatan həllinin mümkün olduğuna inandığını bildirib.

Prezident Ərdoğan Suriyada sabitliyin bərqərar olmasının bütün region üçün əhəmiyyətli qazanc olduğunu qeyd edərək, Türkiyənin Suriyaya dəstəyinin fasiləsiz davam edəcəyini və Livandakı vəziyyətin pisləşməsinin qarşısını almaq üçün tədbirlər görülməsinin vacibliyini bildirib.

Prezident Ərdoğan NATO-nun Ankara Zirvə Görüşünə hazırlıqların davam etdiyini və Zirvə Görüşünün hər cəhətdən uğurlu olmasını təmin etmək üçün əllərindən gələni etdiklərini deyib.
 

Reyting.az xəbər verir ki, bu barədə Azərbaycan Milli Elmlər Akademiyasının nəzdində Respublika Seysmoloji Xidmət Mərkəzi məlumat yayıb.

Bildirilib ki, yerli vaxtla saat 20:45-də 3,5 maqnitudalı zəlzələ qeydə alınıb.

Zəlzələnin ocağı 32 kilometr dərinlikdə yerləşib.

Reyting.az xəbər verir ki, bu barədə WUF13 Azərbaycan Əməliyyat Şirkətindən məlumat verilib.

Bildirilib ki, Azərbaycan Hökuməti və BMT-nin Məskunlaşma Proqramı (UN-Habitat) dayanıqlı şəhər inkişafı sahəsində yeni qlobal mükafat – Bakı Şəhərsalma Mükafatını (Baku Urban Award) təsis edir:

"WUF13 çərçivəsində dayanıqlı şəhər inkişafı və əlçatan mənzil sahəsində qabaqcıl şəhərsalma həllərinin təşviqi və genişləndirilməsi məqsədilə Azərbaycan Respublikası Hökumətinin təşəbbüsü ilə BMT-nin Məskunlaşma Proqramı (UN-Habitat) ilə birgə təsis olunan yeni beynəlxalq mükafat – Bakı Şəhərsalma Mükafatının (Baku Urban Award) rəsmi təqdimetmə mərasimi keçirilib".

Bakı Şəhərsalma Mükafatı uzunmüddətli sosial, iqtisadi və ekoloji təsir potensialına malik praktik şəhər həllərinin beynəlxalq səviyyədə təşviqinə yönəlmiş qlobal platforma kimi formalaşdırılır.

Mükafat Ümumdünya Şəhərsalma Forumunun 13-cü sessiyasının (WUF13) əsas qalıcı irsindən biri olacaq. Mükafat Forum çərçivəsi ilə məhdudlaşmayaraq, qlobal şəhər gündəliyinin uzunmüddətli təşviqinə xidmət edən beynəlxalq mexanizm kimi nəzərdə tutulur.

Təşəbbüs üç əsas istiqamətin birləşdirilməsini nəzərdə tutur:

"Şəhərsalma mütəxəssisləri tərəfindən artıq tətbiq olunan praktik həllər;

ekspert bilikləri və elmi əsaslandırılmış yanaşmalar;

uğurlu təcrübələrin milli və beynəlxalq siyasətə inteqrasiyası".

Qiymətləndirilmə memarlıq, şəhərsalma, mənzil təminatı, iqlim dayanıqlılığı, maliyyə və vətəndaş cəmiyyəti sahələrində aparıcı beynəlxalq ekspertlərdən ibarət müstəqil münsiflər heyəti tərəfindən həyata keçiriləcək. Mükafat dünyanın bütün regionlarını təmsil edən iştirakçılar üçün açıq platforma olacaq.

Bakı Şəhərsalma Mükafatının təsis olunması Azərbaycanın qlobal şəhərsalma və iqlim gündəliyinə uzunmüddətli sadiqliyinin növbəti təzahürüdür. Bu istiqamətdə həyata keçirilən təşəbbüslərə COP29-a ev sahibliyi, "Dayanıqlı və Sağlam Şəhərlər üçün Multisektoral Fəaliyyət Yolları (MAP)" və "Bakı Davamlılıq Koalisiyası" təşəbbüslərinin irəli sürülməsi, UN-Habitat-ın "Hər kəs üçün münasib mənzil" üzrə Açıq Hökumətlərarası İşçi Qrupuna həmsədrlik , eləcə də WUF13-ə Bakının ev sahibliyi etməsi daxildir.

Azərbaycanın UN-Habitat ilə əməkdaşlığı 2022-ci ildə Azərbaycan Milli Şəhərsalma Forumunun təsis edilməsindən etibarən ardıcıl şəkildə inkişaf edir. Bu əməkdaşlıq çərçivəsində şəhərsalmanın inkişafı sahəsində birgə layihələr həyata keçirilir. Buraya həmçinin Qarabağ və Şərqi Zəngəzur iqtisadi rayonlarında üç Milli Şəhərsalma Forumunun təşkili, eləcə də 2023-cü ildə Bakıda Ümumdünya Məskunlaşma Günü münasibətilə keçirilmiş tədbirlər daxildir.

Reyting.az xəbər verir ki, bu barədə qərar qurumun növbəti iclasında qəbul olunub.

Qarşılaşmada təşkilati-texniki öhdəliklərin pozulmasına görə "Kür-Araz" klubu 100 manat cərimələnib. Bundan əlavə, oyuna təyin olunan Təcili Tibbi Yardım avtomobilinin gec gəlməsi səbəbindən matçın vaxtında başlamamasına görə klub daha 200 manat ödəyəcək.

Görüşün 90+2-ci dəqiqəsində "Kür-Araz" azarkeşlərinin meydana daxil olaraq rəqib futbolçulara fiziki təzyiq göstərməsi ciddi sanksiya ilə nəticələnib. Qərara əsasən, klub növbəti mövsümdə ilk 5 ev oyununu azarkeşsiz keçirəcək. Təhlükəsizliyin tam təmin olunmamasına görə isə "Kür-Araz" komandasına 0:3 hesablı texniki məğlubiyyət verilib.

Qarşılaşmanın 90+1-ci dəqiqəsində "Araz Saatlı" komandasının meydanı özbaşına tərk etməsi də cəzasız qalmayıb. Saatlı təmsilçisinə 0:3 hesablı texniki məğlubiyyət verilib, klub əlavə olaraq 2000 manat cərimə olunub.

Matçda baş verən intizamsız davranışlara görə bir sıra futbolçular uzunmüddətli cəzalar alıblar. "Kür-Araz"ın futbolçusu Eltun Həsənli birbaşa qırmızı vərəqə aldıqdan sonra rəqibə qarşı qeyri-etik jestlər etdiyinə görə bütün turnirlər daxil olmaqla 8 oyunluq cəzalanıb, klub isə 1000 manat cərimə edilib.

Komandanın digər oyunçuları – Nihat Paşayev, Nicat Quliyev, İbrahim Əliyev və Museyib Vəlizadə rəqib futbolçulara qarşı aqressiv davranış və zərbə endirdiklərinə görə 5 oyunluq diskvalifikasiya olunublar. "Kür-Araz" bu futbolçuların hər birinə görə əlavə 300 manat cərimə ödəyəcək.

"Araz Saatlı"nın futbolçuları Ramiz Qasımov və Rüstəm Rüstəmov da təcavüzkar davranışa görə birbaşa qırmızı vərəqə alıblar. Onlar bütün turnirlər daxil olmaqla 8 oyunluq cəzaya məruz qalıblar. Klub hər iki futbolçuya görə 450 manat cərimələnib.

Bundan başqa, "Araz Saatlı"nın təhlükəsizlik üzrə meneceri, cəzalı durumda olan Xəyal Məmmədov meydana daxil olaraq rəqib futbolçulara fiziki güc tətbiq edib. O, bu səbəbindən 8 oyunluq cəzalanıb, klub isə bu hadisəyə görə 800 manat ziyana düşüb.

İntizam Komitəsi "Araz Saatlı" komandasının matç ərzində 5 futbolçusunun sarı vərəqə almasını da nəzərə alaraq klubu 70 manat cərimələyib.

Reyting.az xəbər verir ki, bunu Milli Məclisin Mətbuat və ictimaiyyətlə əlaqələr şöbəsindən bildiriblər.

Sankt-Peterburq şəhərinin “Pulkovo 3” hava limanında spiker Sahibə Qafarovanı Sankt-Peterburq şəhərinin Xarici əlaqələr komitəsinin sədr müavini, Xarici İqtisadi Əməkdaşlıq İdarəsinin rəisi Nizami Mamişev, MDB PA Şurasının baş katibi Dmitri Kobitski, Azərbaycanın Rusiyadakı səfiri Rəhman Mustafayev, Milli Məclisin MDB PA-dakı səlahiyyətli nümayəndəsi Aydın Cəfərov, Azərbaycanın Sankt-Peterburq şəhərindəki baş konsulu vəzifəsini icra edən Anar Yusifzadə və digər rəsmi şəxslər qarşılayıblar.
 

Reyting.az xəbər verir ki, platformanın hesabatına görə, hər il daha çox insanın ölümünə səbəb olan yeganə canlı ağcaqanaddır. Bu həşəratlar malyariya və sarı qızdırma kimi digər xəstəliklər yaymaqla, təxminən 760 min insanın ölümünə səbəb olub.

Hesabata daxil edilən, eyni zamanda tam dəqiq mənbə sayılan və dünya ölkələri üzrə ictimai səhiyyə məsələləri ilə məşğul olan "World Health Organization" beynəlxalq təşkilatı bildirir ki, malyariya xəstəliyi 2022-ci ildə 600 minə yaxın insanın həyatına son qoyub. 

Statistikada vurğulanıb ki, əvvəlki dövrlərə nisbətən cüzi dəyişikliklər olsa da, ən ağır, acınacaqlı vəziyyət yenə Afrika ölkələrində, xüsusilə Nigeriya və Konqoda qeydə alınıb.

Siyahıda ikinci yerdə insanın özü dayanır. Hər il yüz minlərlə qətl hadisəsi insanların bir-biri üçün ən böyük təhlükələrdən biri olduğunu göstərir.

Zəhərli ilanlar da çox təhlükəli hesab edilir, lakin bu sürünənlər insanlar kimi təhlükəli hesab edilmirlər. 

Araşdırmalar göstərib ki, Kral kobrası və Avstraliya pələng ilanı kimi növlər hər il təxminən 100 min insanın ölümünə səbəb olur.

İtlər, xüsusilə də sahibsiz itlər quduzluq xəstəliyinə tutulma səbəbindən il ərzində təxminən 40 minə yaxın insanın həyatına son qoyur ki, bu təhlükə yenə mövcuddur və bir çox bölgələrdə vaksin çatışmazlığı problemin qarşısını almağa imkan vermir. 

Bundan başqa, şirin su ilbizləri və triatom böcəklərinin də təhlükəli xəstəliklər yaydığı və Şistosomoz, həmçinin Şaqas xəstəliyi kimi infeksiyalar yaymaqla, xüsusilə yoxsul ölkələrdə minlərlə insanın ölümünə səbəb olurlar. 

Mütəxəssislər qeyd ediblər ki, insanlar ən çox iri yırtıcılardan qorxsalar da, əsl təhlükə xəstəlik daşıyan kiçik canlılardan gəlir.

Oqtay Qorçu
 

Bunu Serbiyanın Prezidenti Aleksandar Vuçiç "Serbiyada Dünya" (World in Serbia) təhsil proqramının 15 illiyinə həsr olunmuş tədbirdə deyib.

Onun sözlərinə görə, dövlət bu addımı ilə xarici tələbələrə təhsillərini başa vurduqdan sonra Serbiyada qalmağı və iş tapmağı asanlaşdıracaq:

"Mən əlimdən gələni edəcəyəm ki, bir neçə il təhsil alanlara, xüsusilə də uğurla oxuyanlara burada təkcə qalmaq deyil, həm də Serbiyada yaşayış icazəsi və vətəndaşlıq verilsin. Xarici tələbələrin biliyi dövlətin özündə saxlamaq istədiyi bir resursdur. Biz bu tələbələrin biliklərindən, əməyindən istifadə etmək istəyirik. Bunu texniki və hüquqi baxımdan həll edəcəyik".

Xatırladaq ki, hazırda bu proqram çərçivəsində Serbiyada 7 nəfər azərbaycanlı tələbə (2 doktorant, 2 magistr, 3 bakalavr) təhsil alır/report.

“Qafqazinfo” xarici mətbuata istinadən xəbər verir ki, bu barədə vilayətin Ekologiya Departamentinin Mətbuat xidməti məlumat yayıb.

Bildirilib ki, vilayətin Tüpkaraqan rayonunun Fort-Şevçenko şəhərindən Bautino burnuna qədər olan sahil zolağında aparılmış monitorinqlər zamanı 35 Xəzər suitisinin cəsədi aşkarlanıb.

Ölümlərin səbəbini müəyyən etmək üçün ərazidən su nümunələri götürülüb.

Qeyd edək ki, son bir ay ərzində Xəzərin Mangistau vilayəti sahillərində 300 suiti cəsədi aşkarlanıb. Daha əvvəl götürülmüş nümunələr suda çirkləndirici maddələr, həmçinin heyvanlarda hər hansı xəstəliklər aşkar etməyib. Qazaxıstan Kənd Təsərrüfatı Nazirliyinin versiyasına görə, heyvanların ölümü təbii hadisələrlə bağlı ola bilər.

Reyting.az “Qafqazinfo”ya istinadla xəbər verir ki, ibtidai istintaqı bitənlərdən biri Məhərrəmov Fariz Ramiz oğludur.

Fariz Məhərrəmov rəsmi olaraq heç bir dövlət qurumunda çalışmayıb. İttihamda yazılıb ki, Fariz xaricdən qaçaq yollarla xüsusilə külli miqdarda siqaret tütünlərinin daşınmasında və ölkə ərazisində satışını həyata keçirməkdə təqsirləndirilir. Bu cinayətdə o, dəstə üzvləri ilə birgə fəaliyyət göstərib, uzun müddət qaçaqmal siqaretlərin ölkənin müxtəlif ərazilərində satışı ilə məşğul olub. 

Qeyd olunan əməlinə görə ona Cinayət Məcəlləsinin 206.4 (qaçaqmalçılıq-xüsusilə külli miqdarda) və 213-1.2.1-ci (mütəşəkkil dəstə halında külli miqdarda aksiz markası ilə markalanmalı olan malların belə marka olmadan qanunsuz dövriyyəsi) maddələri ilə yekun ittiham elan edilib. Təqsiri sübuta yetirilsə, onu 10 ildən çox həbs cəzası gözləyir.

Baş Prokuror yanında Korrupsiyaya qarşı Mübarizə Baş İdarəsində toplanmış materiallar baxılması üçün Bakı Ağır Cinayətlər Məhkəməsinə göndərilib. Təqsirləndirilən şəxs həbsdə mühakimə ediləcək.

Qeyd edək ki, bu epizodların və təqsirləndirilən şəxslərin sayına görə ötən il üstü açılan ən böyük cinayət işlərindən biridir. Faktla bağlı Bakı-Hövsan Beynəlxalq Ticarət Dəniz Limanının sahibi Ruslan Eyyubov, limanın rəisi Rəşad Daşdəmirov, gömrükçülər və başqa məsul şəxslər də həbs ediliblər.

Sail Ağasəlim

Reyting.az xəbər verir ki, baş məşqçi Murat Yakın mundialda 26 futbolçunun xidmətindən yararlanacaq.

Qapıçılar: Qreqor Kobel ("Borussiya" Dortmund), Marvin Keller ("Yanq Boyz"), İvon Mvoqo ("Loryan").

Müdafiəçilər: Manuel Akanji ("İnter"), Niko Elvedi ("Borussiya" Münhenqladbax), Miro Mixaym ("Hamburq"), Rikardo Rodriqes ("Betis"), Silvan Vidmer ("Maynts"), Luka Jaqes ("Ştutqart"), Orel Amenda ("Ayntraxt"), Eray Comert ("Valensiya")

Yarımmüdafiəçilər: Ardon Kaşari ("Milan"), Denis Zakaria ("Monako"), Qranit Caka ("Sanderlend"), Yohan Manzambi ("Frayburq"), Cibril Sou ("Sevilya"), Mişel Ebişer ("Piza"), Remo Freuler ("Bolonya"), Kristian Fassnaxt ("Yanq Boyz"), Fabian Rider ("Auqsburq"), Noa Okafor ("Lids"), Ruben Varqas ("Sevilya"), Dan Ndoy ("Nottinqem Forest")

Hücumçular: Sedrik İtten ("Fortuna"), Bril Embolo ("Renn"), Zeki Amduni ("Bernli").

Qeyd edək ki, İsveçrə yığması DÇ-2026-nın final mərhələsində B qrupunda Kanada, Qətər, Bosniya və Herseqovina ilə mübarizə aparacaq.(Matc.az)
 

Reyting.az xəbər verir ki, bu barədə WUF13 Azərbaycan Əməliyyat Şirkəti məlumat yayıb.

Bildirilib ki, bu qərar çoxsaylı müraciətlər nəzərə alınmaqla qeydiyyat prosesini sürətləndirmək məqsədilə verilib.

Məlumatda tədbirə gəlməzdən əvvəl onlayn qeydiyyatdan keçmə tövsiyə olunub.

Reyting.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb.

Bildirilib ki, 5 iyun saat 15:00-a qədər təsdiqlənmiş sorğular üzrə tələb olunan müvafiq sənədlər ümumi təhsil müəssisələrinə təqdim edilməlidir.

Göstərilən tarixədək tamamlanmayan sorğular və növbələr sistem tərəfindən avtomatik olaraq ləğv ediləcək.

Qeyd edək ki, şagirdlərin elektron yerdəyişməsi prosesi sy.edu.az elektron sistemi vasitəsilə həyata keçirilir.

Reyting.az xəbər verir ki, bu barədə Azərbaycan Xarici İşlər Nazirliyi məlumat yayıb.

Baş katib iştirakçısı olduğu Ümumdünya Şəhərsalma Forumunun (WUF-13) yüksək səviyyədə təşkilinə və bu çərçivədə faydalı müzakirələrə görə təşəkkür edib.

Görüş zamanı Azərbaycan ilə D-8 arasında mövcud əməkdaşlıq gündəliyi müzakirə edilib, siyasi, iqtisadi, energetika, nəqliyyat və logistika sahələrində əlaqələrin daha da inkişaf etdirilməsi imkanları nəzərdən keçirilib.

Azərbaycanın D-8 üzvlüyünə qəbul edilməsindən sonra keçən qısa müddət ərzində təşkilat daxilində apardığı aktiv fəaliyyət yüksək qiymətləndirilib, 2025-ci ilin oktyabr ayında Azərbaycanda ilk dəfə olaraq D-8 Həftəsinin təşkili, bu çərçivədə D-8 Enerji və İqlim Mərkəzi, D-8 Media Mükəmməllik Mərkəzi və D-8 Nəqliyyat Mükəmməllik Mərkəzinin Azərbaycanda yaradılması ilə bağlı atılan əməli addımlar məmnunluqla xatırlanıb. Bu istiqamətdə görülən işlər barədə fikir mübadiləsi aparılıb.

Ümumilikdə, siyasi və iqtisadi cəhətdən mühüm ölkələri, 1,3 milyarda yaxın əhalini və 5 trilyon ÜDM-i birləşdirən D-8-nin nüfuzunun daha da artırılması istoqamətində birgə səylərin vacibliyi vurğulanıb.

Görüşdə həmçinin regional və beynəlxalq təhlükəsizlik məsələləri nəzərdən keçirilib, Yaxın Şərqdə gərginliyin azaldılması, atəşkəsin möhkəmləndirilməsi, sabitliyin təmin olunmasının vacibliyi qeyd edilib.

Görüşdə eyni zamanda qarşılıqlı maraq doğuran digər məsələlər ətrafında fikir mübadiləsi aparılıb.

Bu fikirləri “Reytinq” qəzetinə açıqlamasında professor Cümşüd Nuriyev ABŞ və Rusiya prezidentlərinin ardıcıl olaraq Çinə səfərlərini şərh edərkən səsləndirib.

Professorun fikrincə, Pekində ABŞ Prezidenti kifayət qədər soyuq qarşılanıb.

C. Nuriyev iddia edir ki, Tayvan məsələsində də ABŞ geri çəkilməli olacaq və adada Çinin təsiri daha da güclənəcək.

Professor hesab edir ki, Donald Tramp ilə Si Cinpin İran məsələsini də müzakirə ediblər:

“Düşünürəm ki, İran Çin üçün strateji əhəmiyyət daşıyan məkandır. Buna görə də Çin problemlərin müharibəsiz həllini dəstəkləyib. Məncə, bütün bu səfərlər Çinin artan beynəlxalq nüfuzunu göstərir. Sanki dünyanın ağırlıq mərkəzi tədricən Pekinə keçir. Bu şəkildə davam edərsə, Çin öz məqsədlərinə nail olacaq”.

Nuriyev əlavə edib ki, Prezident Trampın səfərindən sonra Rusiya Prezidenti Putinin də Pekinə getməsi təsadüfi deyil:

“Qənaətimcə, Rusiya və onun rəhbərliyi Çinin yanında yer alacaq. Baş verənlər göstərir ki, Çin siyasi üstünlüyünü təmin etməkdə qərarlıdır”.

Professor bildirib ki, İran siyasəti ABŞ-ın beynəlxalq nüfuzuna mənfi təsir göstərib:

“Faktiki olaraq İranda hakimiyyət dəyişmədi, bu ölkəyə qoşun yeridə bilmədilər. Hörmüz boğazı isə İranın nəzarətində qaldı. Ümumilikdə, İran kampaniyası nəticəsində dünyada neftin qiyməti artdı. Bu isə ən çox Rusiyanın maraqlarına uyğun oldu”.

Nemət Orucov
Reyting.az
 

Reyting.az xəbər verir ki, Prezident İlham Əliyevin müvafiq tapşırıqlarına uyğun olaraq, Bakı şəhərində piyada zonalarının və dəhlizlərinin yaradılması davam etdirilir.

Bu yaxınlarda paytaxtın iki geniş piyada zonası olan Fəvvarələr meydanı və Qış Parkını optimal şəkildə birləşdirən İslam Səfərli küçəsi piyadalaşdırılaraq şəhər sakinləri və qonaqların ixtiyarına verilib. Rəğbətlə qarşılanan, müasir şəhərsalma prinsiplərinə tam uyğun olan bu laylihənin İslam Səfərli küçəsinə yaxın ərazilərdə davam etdirilməsi nəzərdə tutulur.

Belə ki, Nəqliyyatı Əlaqələndirmə Şurası Əlimərdan Topçubaşov, Lev Tolstoy, Yusif Məmmədəliyev, Rəsul Rza və Xaqani küçələrinin piyadalaşdırılması ilə bağlı qərar qəbul edib. Yaxın günlərdə istər yerli sakinlər, istərsə də qonaqlar üçün olduqca cəlbedici olan bu məkanlarla bağlı dünya təcrübəsinə əsaslanan layihənin icrasına başlanılacaq.

Xatırladaq ki, 19–20-ci əsrlərə aid tarixi tikililərin mövcud olduğu bu küçələr hazırda avtomobil sıxlığının mərkəzindədir. Sakinlər və şəhərimizin qonaqları avtomobil sıxlığı səbəbindən bu məkanlarda yerləşən tarixi abidələrlə tanış ola bilmirlər. Adıçəkilən küçələrdə səkilərin dar, piyada axınının isə çox olması səbəbindən ərazini faktiki olaraq avtomobilsiz hərəkət iştirakçıları geniş istifadə edir. Bütün bunları nəzərə alaraq, piyadalar arasında populyar olan bu ərazilərin tamamilə avtomobilsiz edilməsi nəzərdə tutulur.

Layihənin icrası nəticəsində İçərişəhərdən kənarda, Bakının mərkəzində yerləşən piyada küçələrinin ümumi uzunluğu ciddi şəkildə artacaq. Bununla da şəhər mərkəzinin piyada infrastrukturunun daha da inkişafı və genişləndirilməsi təmin ediləcək. Həmçinin Xaqani bağı və Fəvvarələr meydanından Qış parkına və Mərkəzi parka uzanan iki müstəqil piyada marşrutu formalaşacaq.

Piyadalaşdırılacaq küçələrin parklanma yerləri əlçatanlıq saxlanılmaqla kəsişən küçələrə köçürüləcək, əlavə yerlər təşkil ediləcək. Eyni zamanda, operativ və kommunal xidmət avtomobillərinin bu küçələrə daxil olması üçün şərait yaradılacaq.

Reyting.az xəbər verir ki, bu barədə Dövlət İmtahan Mərkəzindən (DİM) məlumat verilib.

İmtahan nəticələri ilə buradan tanış ola bilərsiniz.

Bakalavrlar imtahanın nəticələri haqqında məlumatı, həmçinin mobil operatorlar (Azercell, Bakcell, Nar) vasitəsilə "iş nömrəsi"ni 7727 nömrəsinə göndərməklə də öyrənə bilərlər.

Qeyd edək ki, yekun imtahan balı xarici dil fənləri üzrə esse tapşırıqları yoxlanıldıqdan sonra – 6 həftə ərzində təqdim olunacaq. Xatırladaq ki, iştirakçılar qapalı və kodlaşdırıla bilən tapşırıqlar üzrə ən çox 95, esse üzrə isə 5 bal toplaya bilərlər.

İmtahan iştirakçılarının nəticələrlə bağlı apellyasiya müraciətlərinə yekun imtahan balı elan olunduqdan sonra imkan yaradılacaq.

Reyting.az xəbər verir ki, bununla bağlı Baş nazir Əli Əsədov qərar imzalayıb.

Qərarla Rəqəmsal İnkişaf və Nəqliyyat Nazirliyi, Xarici İşlər Nazirliyi, Dövlət Gömrük Komitəsi, Dövlət Sərhəd Xidməti, Dövlət Miqrasiya Xidməti və "Azərbaycan Dəmir Yolları" Qapalı Səhmdar Cəmiyyəti bu qərardan irəli gələn məsələləri qanunvericiliyin tələblərinə uyğun olaraq həll etməlidirlər.

"Azərbaycan Dəmir Yolları" QSC (ADY) və "Gürcüstan Dəmir Yolları" SC arasında əldə olunmuş ilkin razılaşmaya əsasən, qatarlar hərt gün Bakıdan saat 23:10-da yola düşəcək və növbəti gün saat 08:41-də Tblisiyə çatacaq, Tbilisidən isə saat 21:00-da yola düşməklə növbəti gün Bakıya saat 06:24-də çatacaq.

Bakı–Tbilisi–Bakı marşrutu üzrə qatarlara Azərbaycan ərazisində Bakı Dəmiryol Vağzalı, Biləcəri, Yevlax, Gəncə, Ağstafa və Böyük Kəsik stansiyalarında, Gürcüstan ərazisində isə Qardabani stansiyası və Tbilisi Dəmiryol Vağzalında dayanacaq veriləcək: "Bakı-Tbilisi-Bakı sərnişin qatarı üzrə birtərəfli biletin qiyməti 81 manatdan başlayacaq. Yevlax–Tbilisi üzrə 67 manat, Gəncə–Tbilisi üzrə 62 manat, Ağstafa–Tbilisi üzrə 57 manat, ⁠Böyük Kəsik–Qardabani üzrə 51 manat olacaq".

***

    
Hər iki ölkənin rəsmilərinin, parlament üzvlərinin, diplomatik korpus nümayəndələrinin, yubilyarın həmkarlarının iştirak etdiyi tədbirdə Azərbaycan Respublikasının mədəniyyət nazirinin müavini Səadət Yusifova, TÜRKSOY-un Baş katibinin müavini Sayit Yusif, Türkiyə Cümhuriyyəti Böyük Millət Məclisinin üzvü, Türkiyə-Azərbaycan Parlamentlərarası Dostluq Qrupunun həmsədri Şamil Ayrım, Azərbaycan Milli Məclisinin İctimai birliklər və dini qurumlar komitəsinin sədri Fazil Mustafa, Quzey Kıprıs Türk Cümhuriyyətinin Baş nazirinin müavini Fikri Ataoğlu, “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud, Rəssamlar İttifaqının katibi, Xalq rəssamı Səlhəb Məmmədov, Bakıdakı Yunus Əmrə İnstitutunun direktoru Gökhan Seylan çıxış edərək Eldəniz Babayevi təbrik etdilər, onun yaratdığı sənət körpüsünün önəmindən danışdılar. 

    
Təsviri sənətimizin inkişafına, mədəniyyətimizin təbliğinə verdiyi töhfələrə görə yubilyara Mədəniyyət Nazirliyinin diplomu təqdim edildi. Fərdi sərginin açılışından öncə “Azərbaycan Televiziya və Radio Verilişləri” Qapalı Səhmdar Cəmiyyətində istehsal edilən, rəssam Eldəniz Babayevin həyat və yaradıcılığından danışan “Sənət körpüsü. Azərbaycan-Türkiyə” sənədli filmi nümayiş olundu. Sənədli filmin layihə rəhbəri Elnur Məmmədov, ssenari müəllifi Ülviyyə Heydərova, quruluşçu rejissoru Əməkdar mədəniyyət işçisi Vasif Məmmədzadədir. Çəkilişləri Azərbaycanın və Türkiyənin müxtəlif şəhərlərində aparılan ekran işi maraqla qarşılandı. 

Sonra çoxsaylı qonaqlar Eldəniz Babayevin fərdi sərgisində nümayiş etdirilən rəsm əsərləri ilə yaxından tanış oldular, fikir mübadiləsi apardılar. 

Mədəniyyət Nazirliyinin, Türkiyə Cümhuriyyətinin ölkəmizdəki səfirliyinin, Atatürk Mərkəzinin, Milli Xalça Muzeyinin, “İçərişəhər” Dövlət Tarix-Memarlıq Qoruğu İdarəsinin, Bakıdakı Yunus Əmrə İnstitutunun və “Bakı” Rəsm Qalereyasının təşkilatçılığı ilə reallaşan sərginin qardaş Türkiyənin bir neçə şəhərində də keçirilməsi planlaşdırılır. 

Etibar Cəbrayıloğlu       
Reyting.az
(Fotolar AZƏRTAC və İlqam Cəbiyevindir)
 

Reyting.az xəbər verir ki, bu barədə Müharibənin Tədqiqi İnstitutunun (ISW)  Rusiyanın mayın 21-dək davam edəcək nüvə təlimləri ilə bağlı təhlilində qeyd olunub.

Bildirilir ki, Rusiya Ukraynanın müttəfiqlərinə təzyiq göstərmək və döyüş meydanında getdikcə daha çox nəzərə çarpan zəifliklərini ört-basdır etmək məqsədilə əvvəlcədən elan edilməmiş strateji nüvə təlimlərindən istifadə edir.

Analitiklərin fikrincə, Rusiya 19-21 may tarixlərində keçirilən təlimləri əvvəlcədən açıqlamayıb və onları qeyri-rəsmi olaraq “Göy gurultusu” kimi tanınan ənənəvi hava, quru və dəniz nüvə manevrlərindən xeyli əvvəl təşkil edib. Qeyd olunur ki, Rusiya bu təlimləri 2022-ci ildən etibarən hər il oktyabr ayında keçirir.

Rusiya qüvvələri sonuncu dəfə 2024-cü ilin yayında nüvə təlimləri keçirib. Həmin vaxt təlimlər qeyri-strateji (taktiki) nüvə silahlarına yönəlmişdi və ehtimal olunur ki, məqsəd Ukraynaya uzaqmənzilli silahların verilməsi ilə bağlı Qərbdə gedən müzakirələrə təsir göstərmək idi.

Ekspertlər bildirirlər ki, Kreml təlimlərlə paralel olaraq NATO-ya qarşı uzunmüddətli təhdid ritorikasını da davam etdirir. Xatırlanır ki, Rusiya xarici işlər nazirinin müavini Sergey Ryabkov mayın 19-da Rusiya ilə NATO arasında birbaşa toqquşma riskinin artdığını bildirib və NATO-nu təxribatda ittiham edib.

ISW qeyd edir:

“Rusiya qüvvələri 19-21 may tarixlərində NATO-nun qərar qəbuletmə prosesinə təsir göstərmək və öz zəifliklərini gizlətmək məqsədilə uzun müddətdir istifadə etdiyi informasiya narrativlərini gücləndirməklə yanaşı, qəfil nüvə təlimləri keçirir. Rusiya ordusu indiyədək yaz-yay hüumlarında ciddi uğur əldə edə bilməyib. Ukrayna qüvvələri cəbhənin bir sıra istiqamətlərində taktiki təşəbbüsü ələ keçirib, həmçinin Rusiya ordusu ölkənin dərin arxa bölgələrini Ukraynanın getdikcə daha dağıdıcı zərbələrindən qoruya bilməyib”.

Analitiklər vurğulayırlar ki, Kreml “refleksiv nəzarət” taktikasından istifadə etməyə çalışır. Bu taktika informasiya əməliyyatları və hədəfli ritorika vasitəsilə qarşı tərəfin davranışını formalaşdırmağa, onu Moskvanın maraqlarına uyğun qərarlar verməyə sövq etməyə yönəlib.

ISW hesab edir ki, Kreml bu yolla Ukraynanın Avropa tərəfdaşları ilə münasibətlərini zəiflətməyə və Kiyevə göstərilən hərbi-siyasi dəstəyi azaltmağa çalışır.

Bundan başqa, ekspertlər Rusiyanın Baltikyanı ölkələrə qarşı mümkün gələcək təcavüz üçün informasiya zəmini formalaşdırmaq istiqamətində fəaliyyətini gücləndirdiyini düşünürlər. Buna misal olaraq, Rusiya Xarici Kəşfiyyat Xidmətinin Ukraynanın guya Baltikyanı ölkələr, xüsusilə Latviyanın ərazisindən Rusiyanın arxa bölgələrinə dron hücumları təşkil edə biləcəyi barədə yaydığı açıqlama göstərilir.

ISW-nin məlumatına görə, Rusiya kəşfiyyatı bununla Latviyadakı hərbi bazalara və qərar qəbuletmə mərkəzlərinə zərbə endirilə biləcəyinə eyham vurub.

Analitiklərin qənaətinə görə, bu cür açıqlamalar Rusiya rəsmilərinin Baltikyanı ölkələr və Finlandiyanın hava məkanının mümkün pozulmasına, eləcə də onlara qarşı digər hərbi əməliyyatların aparılmasına zəmin yaratmaq cəhdlərinin davamıdır.

Xatırladaq ki, Rusiya Müdafiə Nazirliyi nüvə qüvvələrinin təcavüz təhlükəsi şəraitində hazırlanması və istifadəsi ilə bağlı təlimlərin başlandığını elan edib. Manevrlər mayın 19-21-də keçirilir.

Təlimlərə 64 mindən çox hərbi qulluqçu və 7800-dən artıq texnika cəlb olunub. Təlimlərdə Strateji Raket Qüvvələri, Sakit Okean Donanması və Şimal Donanması iştirak edir.

V. Quliyev
 

Reyting.az xəbər verir ki, Prezident İlham Əliyev bununla bağlı Xüsusi Rabitə və İnformasiya Təhlükəsizliyi Dövlət Xidməti tərəfindən göstərilən xidmətlərin tariflərinin tənzimlənməsinin təkmilləşdirilməsi və "Feldyeger rabitəsi haqqında" qanunun tətbiq edilməsi barədə" fərmanında dəyişiklik edib.

Fərmana əsasən, Dövlət Xidməti İqtisadiyyat Nazirliyi və Maliyyə Nazirliyinin rəyi nəzərə alınmaqla göstərdiyi xidmətlər üçün yeni tarifləri təsdiq edəcək. Bu müddətdə Dövlət Xidmətinin göstərdiyi xidmətlər üçün mövcud tariflər öz hüquqi qüvvəsini saxlayacaq.

Eyni zamanda, bu səlahiyyət Tarif (qiymət) Şurasından alınaraq Xüsusi Rabitə və İnformasiya Təhlükəsizliyi Dövlət Xidmətinə verilib.

Dövlət Xidməti göstərdiyi xidmətlərin tariflərini dörd ay müddətində təsdiqləyib Azərbaycan Prezidentinə məlumat verməlidir.

Reyting.az xəbər verir ki, Sərəncama əsasən Azərbaycan metrologiya sahəsinin inkişafında xidmətlərinə görə “Azərbaycan Metrologiya İnstitutu” publik hüquqi şəxsin aşağıdakı əməkdaşları “Tərəqqi” medalı ilə təltif ediliblər:

Bayramov Elnur Üzeyir oğlu

Bayramov Rasim Əhməd oğlu

Əzizov Əziz Məhəmməd oğlu

Həsənov Ramiz Qaroğlan oğlu

Qurbanov Azər Tengiz oğlu

Musayeva Şəhla Ziyəddin qızı

Osmanov Çingiz Məsim oğlu

Şirinov Namiq Paşa oğlu

Şirinova Mehriban Ramiz qızı.
 

Reyting.az xəbər verir ki, Sərəncama əsasən 2008-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1996–2007-ci illərdə doğulmuş, yaşı 30-dək olan, Azərbaycan Respublikasının Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan Respublikası vətəndaşları 2026-cı il iyulun 1-dən 30-dək müddətli həqiqi hərbi xidmətə çağırılır.

“Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsində nəzərdə tutulmuş xidmət müddətini keçmiş müddətli həqiqi hərbi xidmət hərbi qulluqçuları 2026-cı il iyulun 1-dən 30-dək ehtiyata buraxılır.

Nazirlər Kabineti bu Sərəncamın icrası üçün qanunvericilikdə nəzərdə tutulmuş tədbirləri görməlidir.
 

Reyting.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb.

Bildirilib ki, mayın 21-dən etibarən dövlət ümumi təhsil müəssisələrində çalışan müəllimlərin iş yerinin dəyişdirilməsi müsabiqəsinin vakansiya seçimi mərhələsinə başlanılacaq.

Müsabiqə qaydalarına əsasən, vakansiya seçimi ilkin olaraq şəhid ailəsi üzvləri üçün aktivləşdiriləcək.

Müsabiqə üzrə qeydiyyatdan keçmiş və elektron ərizəsi təsdiqlənmiş şəhid ailəsi üzvləri 21 may saat 11:00-dan etibarən şəxsi səhifələrinə daxil olaraq müvafiq vakant yer seçimi edə bilərlər. İlkin vakansiya seçimi mərhələsi 22 may saat 11:00-dək davam edəcək.

Növbəti mərhələdə digər müsabiqə iştirakçıları üçün vakansiya seçimi prosesi həyata keçiriləcək və bununla bağlı ictimaiyyətə əlavə məlumat veriləcək.

Məlumata görə, bu barədə qərar dünən axşam saatlarında icra olunub.

Qeyd edək ki, Nazim Bəydəmirli 13 Saylı Cəzaçəkmə Müəssisəsində dələduzluq cinayətlərinə görə cəza çəkən “Nehrəmli Sahib” kimi tanınan Sahib İbrahimov tərəfindən təxribata cəlb olunmuşdu.

Hər iki şəxs arasındakı mübahisədən sonra onlar cərimə təcridxanasına salınmışdı.

Onu da qeyd edək ki, bu, həmin müəssisədə Sahib İbrahimovun yaratdığı ilk qalmaqal deyil.

O, dəfələrlə ayrı-ayrı məhkumlarla münasibətdə də nizam-intizam qaydalarını pozaraq qalmaqal yaradıb/gununsesi.info.

Reyting.az xəbər verir ki, bu barədə SBU-nun Telegram kanalında bildirilib. 

Məlumata görə, əks-kəşfiyyat və müstəntiqlər 7 aprel gecəsi Çerniqov bölgəsinə hücum zamanı rusların modifikasiya edilmiş “Geran-2” hücum dronunu silahlandırdığı Rusiya raketinin qalıqlarında yüksək radiasiya səviyyəsi aşkar ediblər.

Söhbət Kamka kəndi yaxınlığında tapılan “R-60” hava-hava raketindən olan qəlpələrdən gedir. Rusiya qüvvələrinin kütləvi hücumlar zamanı düşmən dronlarını ələ keçirən Ukrayna təyyarələrini və helikopterlərini məhv etmək üçün bu cür raketlərdən istifadə etdiyi müəyyənləşib.

“Raketlə birlikdə düşmən dronunun qalıqlarının yaxınlığında radiasiya kəşfiyyatı zamanı təbii fon radiasiyasını əhəmiyyətli dərəcədə üstələyən və insan sağlamlığı üçün təhlükə yaradan 12 μSv/saat qamma radiasiya səviyyəsi qeydə alınıb”, - SBU vurğulayıb.

Xidmət, Ukrayna Dövlət Fövqəladə Hallar Xidməti və Ukrayna Müdafiə Qüvvələrinin bölmələri ilə birlikdə raketin döyüş başlığını təhlükəsiz vəziyyətə gətirərək radioaktiv tullantıların saxlandığı yerə daşıyıblar.

Qeyd olunur ki, tədqiqatların nəticələrinə əsasən, Rusiya raketinin döyüş başlığında Uran-235 və Uran-238 kimi müəyyən edilmiş tükənmiş uran fraqmentlərinin olduğu müəyyənləşib.

V. Quliyev
 

Reyting.az xatırladır ki, 28 fevral 2026-cı ildə başlayan “Epik qəzəb” əməliyyatı ABŞ və İsrailin birlikdə İrana hücumunu əhatə edib.

Təsdiqlənmiş itkilər arasında “F-15E” Strike Eagle, “F-35A” Lightning II və “A-10” Thunderbolt II qırıcı təyyarələri də var. Ümumilikdə dörd “F-15E”, bir “F-35A” və bir “A-10” itirilib.

Yeddi ədəd “KC-135” Stratotanker tankeri, bir “E-3” Sentry hava hücumundan erkən xəbərdarlıq təyyarəsi, iki “MC-130J” Commando II nəqliyyat təyyarəsi və bir “HH-60W” Jolly Green II xilasetmə helikopteri də zədələnib və ya məhv edilib.

Pilotsuz komponent ən çox itki verib. ABŞ aşağıdakıları itirib: 

24 ədəd “MQ-9” Reaper hücum və kəşfiyyat dronu; 

Bir “MQ-4C” Triton strateji kəşfiyyat təyyarəsi.

Hesabatda qeyd olunur ki, itkilərin bəziləri döyüş səbəbindən baş verib, lakin bəzi hadisələr dostcasına atəş və ya texniki problemlər səbəbindən qeydə alınıb. Xüsusilə, Küveyt üzərində səhvən edilən hücumda üç “F-15E” məhv edilib və bir “KC-135” İraqda qəzaya uğrayıb.

Analitiklər bildirirlər ki, Pentaqon hələ də tam rəsmi itki statistikasını açıqlamayıb, əməliyyatın ümumi dəyəri isə artıq 29 milyard dollara çatıb. Bunun əhəmiyyətli hissəsi avadanlıqların təmirinə və ya dəyişdirilməsinə xərclənəcək.

“Politico”nun xəbərinə görə, Tramp administrasiyası getdikcə Kubaya qarşı hərbi zərbələr endirməyi düşünür. ABŞ Prezidenti və onun köməkçiləri ABŞ-ın təzyiq kampaniyasının Kuba liderlərindən əhəmiyyətli iqtisadi və siyasi islahatlar barədə razılığa gəlməməsindən məyus olublar. Buna görə də, onlar hərbi variantı əvvəlkindən daha ciddi qəbul edirlər.

V. Quliyev
 

Reyting.az xəbər verir ki, lakin gündüz bəzi yerlərdə qısamüddətli az yağış yağacağı ehtimalı var. Gecə və səhər ayrı-ayrı yerlərdə duman. Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 15-18° isti, gündüz 22-27° isti olacaq. Atmosfer təzyiqi 756 mm civə sütunu təşkil edəcək. Nisbi rütubət gecə 70-75 %, gündüz 60-65% olacaq.

Azərbaycanın rayonlarında səhər qərb rayonlarından başlayaraq bəzi yerlərdə arabir yağıntılı olacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı, 21-də axşam yağıntıların bir qədər güclənəcəyi ehtimalı var. Bəzi yerlərdə arabir duman. Şərq küləyi gündüz bəzi yerlərdə arabir güclənəcək. Havanın temperaturu gecə 14-17° isti, gündüz 22-27° isti, dağlarda gecə 5-10° isti, gündüz 15-20° isti, bəzi yerlərdə 23° isti olacaq.

Reyting.az APA-ya istinadla xəbər verir ki, sənədli filmin layihə və ssenari müəllim Azərbaycan Jurnalistlər Şəbələsi İctimai Birliyinin sədri Ayaz Mirzəyevdir.

Sənədli filmdə Ümumdünya Şəhərsalma Forumununun prioritetləri olan insanların dayanqlı yaşayışının təmin edilməsi, yeni şəhərsalma fəlsəfəsivə “Ağıllı şəhər” konsepsiyasının qurulması kimiəsas mövzular öz əksini tapıb.

Reyting.az xəbər verir ki, bu barədə Yaponiya sahilləri yaxınlığında Rusiya gəmi karvanını izləyən Yaponiya Müdafiə Nazirliyi məlumat yayıb.

Məlumata görə, karvan ilk dəfə mayın 8-də Yaponiya ilə Cənubi Koreya arasındakı Tsuşima boğazı yaxınlığında, Yaponiya dənizində müşahidə olunub. Gəmilərin Vladivostok bölgəsindən yola düşdüyü ehtimal edilir.

Cənubi Yaponiya adalarının yaxınlığından keçdikdən sonra karvan Filippin dənizinə daxil olub və qərb istiqamətində hərəkətini davam etdirib. Analitiklər karvanın son təyinat məntəqəsinin Avropadakı Rusiya limanları ola biləcəyini düşünürlər.

Karvana “Maya 1”, “Lady D”, “Lady Mariya”, “Lady R” və “Kapitan Danilkin” adlı yük gəmiləri daxildir. Bu gəmilərdən bəziləri Şimali Koreya ilə Rusiya arasında silah-sursat və hərbi yüklərin daşınmasında iştirak etdiklərinə görə Qərb sanksiyalarına məruz qalıblar.

Müşayiətçi heyətini “Soverşennıy” və “Rezkiy” adlı iki “Sterequşçiy” sinifli korvet təşkil edir. Karvana, həmçinin “Dubna” sinifli dəstək tankeri və “Andrey Stepanov” okean yedək gəmisi də daxildir.

Mütəxəssislər bildirirlər ki, köməkçi gəmilərin karvana daxil edilməsi müttəfiq ölkələrin limanlarına daxil olmadan uzunmüddətli müstəqil naviqasiya üçün hazırlıq görüldüyünü göstərir.

Polşa mətbuatı yazır ki, Rusiya nəqliyyat gəmiləri əvvəllər əsasən müstəqil şəkildə hərəkət edirdi. Bildirilir ki, hərbi müşayiət ilə tammiqyaslı karvanın yaradılması Moskvanın mümkün hücumlar və ya gəmilərin saxlanılması ilə bağlı narahatlığından xəbər verə bilər.

E. Kamal
 

Reyting.az xarici mediaya istinadla bildirir ki, atəşkəs razılaşmasına baxmayaraq, İsrail yenidən Livanı hədəfə alıb. 

Livan Səhiyyə Nazirliyinin yaydığı açıqlamada qeyd olunur ki, İsrailin budəfəki hücumu Tir şəhərindəki Deyr Qanoun Ən Nahr məntəqəsini əhatə edib.

Faktla bağlı İsrail ordusu tərəfindən açıqlama verilməyib.

Xatırladaq ki, ABŞ Prezidenti Donald Tramp 17 apreldə İsrail və Livan arasında 10 günlük atəşkəs elan etmişdi və atəşkəs 17 maya qədər uzadılmışdı. ABŞ Dövlət Departamentinin 15 mayda verdiyi açıqlamada isə İsrail-Livan danışıqlarının son dərəcə məhsuldar olduğu qeyd edilib və atəşkəsin daha 45 gün uzadılacağı bildirilib.

E. Kamal

Reyting.az xəbər verir ki, bu sözləri "Dünyada mənzil üçün qeyri-rəsmi yaşayış məntəqələrinin və gecəqonduların dəyişdirilməsi" adlı tədbirdə iqtisadiyyat naziri Mikayıl Cabbarov deyib.

Nazirin fikrincə, son illərdə biz çoxmənzilli yaşayış binalarının istismarına icazə verilməsi prosedurlarının sadələşdirilməsi istiqamətində də bir sıra addımlar atılıb:

"Əsas şəhərsalma standartlarına cavab verən fərdi evlər və bu tipli qeyri-formal yaşayış məskənləri üçün müəyyən amnistiyalar tətbiq etmişik. Bununla belə, təcrübəmiz göstərdi ki, leqallaşdırma məsələsinə çox ehtiyatla yanaşmaq lazımdır. Çünki qanunsuz tikililər üçün edilən sadə bir amnistiya müəyyən bir zaman kəsiyində bəzi sosial qayğıları həll edə bilsə də, gələcəkdə qeyri-qanuni tikintiləri daha da stimullaşdıra bilər".

Reyting.az xəbər verir ki, rəqabətli keçən hərracda start qiyməti 2 500 manat olan "KAMAZ 43101" markalı yük avtomobili 28 000 manata, 13 500 manat olan "Mercedes Benz 516" markalı mikroavtobus isə 45 000 manata özəlləşdirilib.

Hərracda satılan əmlakların siyahısı ilə Əmlak Məsələləri Dövlət Xidmətinin rəsmi saytı vasitəsilə tanış olmaq olar.

Növbəti hərrac 26 mayda keçiriləcək. Hərracda iştirak etmək istəyənlər "www.emlak.gov.az" və "www.auksion.gov.az" saytlarından seçim edə bilərlər.

Reyting.az xəbər verir ki, saxlanılan şəxs - V.B İstanbulun Şişli rayonunda keçirilən xüsusi əməliyyat zamanı ələ keçib. 

Onun müxtəlif şifrələnmiş mesajlaşma tətbiqlərindən istifadə edərək transmilli narkotik daşımalarını təşkil etdiyi və Almaniya hakimiyyəti tərəfindən qlobal miqyasda axtarıldığı bildirilir.

Saxlanılan V.B-nin müxtəlif ölkələr arasında narkotik daşınmalarının təşkilində iştirak etdiyi vurğulanır.

V. Quliyev

Reyting.az xəbər verir ki, yeni tənzimləmə Ermənistanın Türkiyə ilə münasibətləri və onların ortaq sərhədlərinin reallığı nəzərə alınmaqla edilib.

Qərarın İrəvan administrasiyasının “Əsl Ermənistan” doktrinası çərçivəsində  verildiyi qeyd olunsa da, bildirilir ki, bu yanaşma siyasətlərini beynəlxalq səviyyədə tanınmış mövcud sərhədlərə əsaslandırmaq və Türkiyə ilə davam edən normallaşma prosesinə potensial zərər verə biləcək simvolik mesajlardan yayınmaq məqsədi daşıyır.

Ermənistan hökumət rəsmiləri vurğulayıblar ki, bu dəyişikliklə Türkiyəyə yönəlmiş təxribatlardan və təxribat aktlarından uzaq durmağı hədəfləyirlər.

Qeyd olunur ki, bu çərçivədə verilən qərar son zamanlar Ankara-İrəvan oxu boyunca sürət qazanan diplomatik əlaqələrə və normallaşma prosesinə uyğun bir mesajdır.

E. Kamal
 

Reyting.az “Qafqazinfo”a istinadla xəbər verir ki, Bakı Ağır Cinayətlər Məhkəməsində keçirilən iclasda prokuror ittihamı elan edib.

İttihamda yazılıb ki, Saleh Səmədov cinayət baş verən dövrdə tutduğu vəzifədən istifadə edərək ümumilikdə 200 min manat vəsaiti mənimsəyib.

Bu əməlinə görə ona Cinayət Məcəlləsinin 308.1-ci (vəzifə səlahiyyətlərindən sui-istifadə etmə) və 179.3.2-ci maddələri ilə ittiham elan edilib.

Hazırda dəymiş ziyandan 44 min manat ödənilib. Saleh Səmədov ittihama münasibətdə özünü qismən təqsirli bilib. O, növbəti prosesdə sərbəst ifadə verəcək.

Qeyd edək ki, Saleh Səmədov ötən il 9 May - Faşizm üzərində Qələbə Günü keçirilən tədbirdə özünü ifşa etmişdi. Həmin vaxt rayon ağsaqqalının SSRİ bayrağı altında sinəsində rus imperiyasının rəmzi sayılan “Georgi lenti” ilə çıxış etməsi ictimai qınağa səbəb oldu.

Bu qalmaqaldan sonra S.Səmədov vəzifəsindən azad edildi. Bir müddət sonra isə DTX onun korrupsiya cinayətlərini üzə çıxardı. Keçmiş şura sədri 1 ildir həbsdədir.

Reyting.az Lent.az-a istinadən xəbər verir ki, hadisə rayonun Yeni Yol kəndində qeydə alınıb.

Belə ki, vətəndaş ona məxsus evin həyətində quyu tikən zaman divar uçub. Nəticədə 2 nəfər uçmuş mişar daşlarının altında qalıb.

Hadisə yerinə Fövqəladə Hallar Nazirliyinin (FHN) xilasediciləri cəlb edilib.

Məlum olub ki, hadisə nəticəsində 1 nəfər ölüb, digəri yaralanıb. Ölən şəxsin 44 yaşlı Göygöl sakini İlqar Quliyev olduğu müəyyənləşib. Xəsarət alan isə 53 yaşlı Şəmkir rayon Yeni Yol kənd sakini Ələddin Bayramovdur.

Faktla bağlı araşdırma aparılır.

Reyting.az xəbər verir ki, “Frayburq” (Almaniya) və “Aston Villa” (İngiltərə) komandaları arasındakı final oyunu Bakı vaxtı ilə saat 23.00-da İstanbulda keçriləcək.

Azər

Reyting.az “Qafqazinfo”ya istinadla xəbər verir ki, bu barədə müvafiq qərar qəbul edilib.

M.Musayeva 610 min manat pulunu ələ keçirdiyi Ü.Quliyeva ilə barışıq əldə edib. O, külli miqdarda məbləği hissə-hissə ödəməyə razılaşıb.

Tərəflər arasında razılıq əldə edildiyindən istintaq orqanı həbsin davamına ehtiyac görməyib. M.Musayeva polis nəzarəti şərti ilə təcridxanadan azad olunub.

Zərərçəkmiş şəxsin hüquqlarını tanınmış vəkil Ceyhun Yusifov müdafiə edir. Amma vəkil müvəkkili ilə təqsirləndirilən şəxsin barışması və dəymiş ziyandan nə qədər ödənilməsi ilə bağlı sualımıza cavab verməkdən imtina etdi.

Qeyd edək ki, M.Musayeva bir neçə ay əvvəl həbs edilib. O, sanksiyasında 14 ilə kimi həbs nəzərdə tutulan xüsusilə külli miqdarda dələduzluq maddəsi ilə ittiham olunur.

Reyting.az-ın məlumatına görə, bəyanatda bildirilir ki, Rusiyanın keçmiş Sovet imperiyasını əvvəlki sərhədləri daxilində bərpa etmək məqsədilə Ukraynaya qarşı apardığı işğalçı müharibə onun insanlığa və bəşəri dəyərlərə münasibətdə əsl niyyətini ortaya qoyub:

“Lakin imperiya öz sərhədləri daxilində də xalqlara qarşı böyük cinayətlər törədib və törətməkdə davam edir. Bu kontekstdə çərkəzlərə qarşı törədilmiş tarixi cinayətlər unudulmamalıdır”.

Platforma bəyan edir ki, Rusiya imperiyasının 1763-1864-cü illərdə Qafqazda apardığı işğalçı müharibə zamanı çərkəzlərin (adıgeylərin) kütləvi şəkildə məhv edilməsi soyqırımı və insanlığa qarşı cinayət kimi qiymətləndirilməlidir.

Bəyanatda deyilir:

“Demokratiya Naminə Ukraynaya Dəstək Platforması xatırladır ki, bir çox müasir tarixçi və soyqırımı araşdırmaçısı bu hadisələri etnik təmizləmə və soyqırımı kimi qiymətləndirir. Tarixçi Valter Riçmond özünün “The Circassian Genocide” əsərində Rusiyanın məqsədli şəkildə çərkəz əhalisini məhv etdiyini və ya sürgünə göndərdiyini yazıb. Araşdırmaçı Anssi Kullberg isə bu siyasəti müasir etnik təmizləmənin ilkin nümunələrindən biri adlandırıb”.

Sənəddə qeyd olunur ki, beynəlxalq hüquq və soyqırımı araşdırmaları sahəsində çalışan alimlər həmin hadisələrin BMT Soyqırımı Konvensiyasının meyarlarına uyğun gəldiyini vurğulayırlar. Platforma bildirir ki, bu mövqe yalnız akademik çevrələrdə deyil, siyasi səviyyədə də dəstək qazanıb:

“Gürcüstan parlamenti 2011-ci ildə, Ukrayna Ali Radası isə 2025-ci ildə Rusiya imperiyasının çərkəzlərə qarşı siyasətini soyqırımı kimi tanıyıb”.

Gürcüstan və Ukrayna parlamentlərinin bu qərarlarının məntiqi davamı olaraq Demokratiya Naminə Ukraynaya Dəstək Platforması bəyan edir:

1. Çərkəzlərin (adıgeylərin) kütləvi şəkildə məhv edilməsi və tarixi vətənlərindən zorla qovulması Rusiya imperiyasının dövlət siyasətinin nəticəsi olduğu üçün soyqırımıdır;

2. Çərkəzlərin 90 faizinin həlak olması və doğma torpaqlarından qovulması Rusiya imperiyası tərəfindən törədilmiş soyqırımlarından biri və insanlığa qarşı cinayətdir;

3. Çərkəzlərin repatriasiya və öz müqəddəratını təyin etmək hüququnu tanıyır, beynəlxalq ictimaiyyəti analoji addımlar atmağa çağırır, Rusiya imperiyasının davamı olan Rusiyanın məsuliyyətə cəlb edilməsini tələb edir”.

Sonda Demokratiya Naminə Ukraynaya Dəstək Platforması Azərbaycan xalqını 21 may tarixini bütün çərkəz xalqı ilə birlikdə Xatirə və Ümid Günü kimi qeyd etməyə çağırıb.

E. Kamal

Reyting.az xəbər verir ki, bunu iqtisadiyyat naziri Mikayıl Cabbarov Bakıda keçirilən Ümümdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Qeyri-rəsmi yaşayış məntəqələrinin və gecəqonduların transformasiyası: dünya üçün mənzil təminatı" adlı dialoq sessiyada bildirib.

"Vaxtilə insanlar sosial müdafiə sistemindən kənarda qalırdı, əməkhaqqını nağd şəkildə alırdı və dövlət həmin fəaliyyətlərdən heç bir vergi və ya sosial ödəniş əldə etmirdi. İslahatlar nəticəsində insanlar sosial təminat sisteminə inteqrasiya olunur, sosial sığorta ödənişlərindən daxil olan vəsaitlərin bir hissəsi sosial müdafiəyə ehtiyacı olan şəxslərin mənzil təminatına yönəldilir. Beləliklə, bu proses həm cəmiyyətin dəstəyini təmin edir, həm də dövlət üçün dayanıqlı maliyyə mexanizmi yaradır", - deyə o qeyd edib.

Nazir həmçinin deyib ki, hökumətin yanaşması balanslı olub: "Bir tərəfdən vətəndaşların hüquqları və sosial ehtiyacları nəzərə alınır, digər tərəfdən isə hüquqi intizamın gücləndirilməsi, standartlara uyğun və məsuliyyətli torpaq idarəçiliyi təmin edilir. Siyasətçilər və hökumətlər belə bir dilemma ilə üzləşirlər. Məhz bu səbəbdən Azərbaycan 2019–2025-ci illəri əhatə edən xüsusi hədəf proqramı müəyyən edib. Həmin proqram çərçivəsində qeyri-rəsmi məşğulluğun və yaşayış sahələrinin leqallaşdırılması prosesi həyata keçirilib. Məqsəd isə eyni problemin həlli üçün əlavə maliyyə mənbələri formalaşdırmaqdır"(report).

Reyting.az “APA-Economics”ə istinadla bildirir ki, bunu Azərbaycanın iqtisadiyyat naziri Mikayıl Cabbarov WUF13 çərçivəsində keçirilən “Qeyri-rəsmi yaşayış məntəqələrinin və gecəqonduların transformasiyası: dünya üçün mənzil təminatı” adlı dialoq sessiyasında çıxışı zamanı deyib.

Nazirin sözlərinə görə, 2020-ci ildən sonrakı dövr əsasən Böyük Qayıdış Proqramı ilə xarakterizə olunur və 30 ildən artıq müddətdə məcburi köçkün həyatı yaşamış minlərlə insanın doğma torpaqlarına qayıtması mənzil sektoruna təzyiqi azaldır.

Mikayıl Cabbarov bildirib ki, Azərbaycanın bu sahədə əsas dərsi problemin əvvəlcə rəsmi şəkildə tanınması, daha sonra siyasi, sosial və iqtisadi amillər nəzərə alınmaqla həll modelinin hazırlanması olub.

O qeyd edib ki, uğurlu nəticə əldə etmək üçün yerli icmaların dəstəyi, hökumətin siyasi iradəsi və özəl sektorun iştirakı ilə işlək iqtisadi modelin qurulması vacibdir.

Nazir əlavə edib ki, son illərdə çoxmənzilli yaşayış binalarının istismara qəbul prosedurları sadələşdirilib və əsas şəhərsalma tələblərinə cavab verən bəzi qeyri-rəsmi tikililər üçün amnistiya mexanizmləri tətbiq olunub.

Bununla belə, o vurğulayıb ki, qanunsuz tikililərin leqallaşdırılması ehtiyatla aparılmalıdır. Çünki sadə amnistiya qısamüddətli sosial problemləri həll etsə də, gələcəkdə kənd təsərrüfatı torpaqlarına, meşə sahələrinə, su ehtiyatlarına və kritik infrastruktur zonalarına təzyiqi artıra bilər.
 

Reyting.az xəbər verir ki, sənəd Bakıda keçirilən Ümumdünya Şəhərsalma Forumunun 13-cü Sessiyasının (WUF13) çərçivəsində imzalanıb.

Reyting.az xəbər verir ki, hadisə ilə bağlı ilk məlumatı “Moskovskiy Komsomolets” nəşrinin maliyyə direktoru Yekaterina Çereşnikova yayıb.

Çereşnikovanın sözlərinə görə, binaya daxil olan şəxslər özlərini əməkdaşlara təqdim etməkdən və hər hansı sənəd göstərməkdən imtina ediblər. Onlar əməliyyatın səbəbi barədə də məlumat verməyiblər. Baş verənlərlə bağlı ofisin müraciətini cavablandıran hüquq-mühafizə orqanları isə mayın 19-da həmin binada hər hansı əməliyyat keçirildiyini təsdiqləməyiblər.

Qeyd olunur ki, silahlı şəxslər birbaşa binanın üçüncü mərtəbəsində yerləşən “Tibbi Texnika Konsorsiumu”nun ofisinə daxil olub, əməkdaşları qorxudaraq axtarışa başlayıblar.

“Tibbi Texnika Konsorsiumu” 2020-ci ildə Rusiya Sənaye və Ticarət Nazirliyinin təşəbbüsü ilə yaradılıb. Təşkilatın əsas fəaliyyət istiqaməti tibbi avadanlıq istehsalının lokallaşdırılmasıdır.

Rusiya mətbuatı yazır ki, konsorsium 2025-ci ildə Rusiya Prezidenti Vladimir Putinin qızı Katerina ilə əlaqəli olduğu bildirilən “İnnovasiya Mühəndislik Mərkəzi” ilə sıx əməkdaşlıq edib.

Həmin il tərəflərin iştirakı və Seçenov Universitetinin tamhüquqlu tərəfdaşlığı ilə “İnnovasiya Mühəndislik Mərkəzi” və “Tibbi Texnika Konsorsiumu” Rusiyada tibbi sənaye klasterinin yaradılması barədə saziş imzalayıblar.

Oqtay Qorçu